Республика һайлаусылары Дәүләт Йыйылышы депутаттарына электрон почта аша туранан-тура мөрәжәғәт итә ала

Олег Яровиков

ӨФӨ, 2019 йыл, 1 февраль. /«Башинформ» мәғлүмәт агентлығы/. Башҡортостан һайлаусылары республика Дәүләт Йыйылышы депутаттарына электрон почта аша туранан-тура мөрәжәғәт итеү мөмкинлеген алды. Хәҙер быны республика парламентының рәсми сайтындағы «Мөрәжәғәттәрҙе һәм наказдарҙы электрон ҡабул итеү бүлмәһе» бүлегендә эшләргә мөмкин.

«Граждандар депутаттарға мөрәжәғәттәрен һәм наказдарын ошо ресурс аша ебәрә ала. Парламентарийҙар үҙҙәренең һайлау округтарында биләмәләрҙе үҫтереү буйынса аныҡ тәҡдимдәр алыр тип ышанам, — тине республика Дәүләт Йыйылышы — Ҡоролтай рәйесе Константин Толкачев. — Уларҙы, мәҫәлән, «Реаль эштәр» проекты сиктәрендә тормошҡа ашырырға мөмкин. Уның төп идеяһы шундай: граждандар, депутаттар һәм урындағы үҙидара органдары халыҡтың башланғыстарын һайлап алыу һәм өҫтәмә ресурстар йәлеп итеү юлы менән биләмәләрҙең көнүҙәк мәсьәләләрен бергәләп хәл итергә тейеш».

Парламент рәйесе Дәүләт Йыйылышының рәсми сайтында депутаттарҙың шәхси сәхифәләре булдырылыуы, унда һәр парламентарийҙың биографияһы, ниндәй фракцияла, комитететта һәм комиссияла тороуы, социаль селтәрҙәге аккаунттары тураһында мәғлүмәт баҫылыуын билдәләне.

«Әгәр элек сайт депутаттарға үҙҙәренең эшмәкәрлеге тураһында ғына хәбәр итергә мөмкинлек бирһә, электрон ҡабул итеү бүлмәһе эшләй башлағас, һайлаусыларҙың һәм парламентарийҙарҙың уңайлы электрон формала аралашыу ҡоралы барлыҡҡа килде», — тип билдәләне республика парламенты спикеры.

http://www.bashinform.ru/news/1268366-izbirateli-bashkirii-smogut-napryamuyu-obrashchatsya-k-deputatam-gossobraniya-po-elektronnoy-pocht/

Теги:башҡортостан дәүләт йыйылышы

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».