Радий Хәбиров Дәүләт Думаһы депутаттарын федераль власть менән эштә этәргес көс тип атаны

Олег Яровиков

IMPORT Сервисный

ӨФӨ, 2019 йыл, 30 ғинуар. /«Башинформ» мәғлүмәт агентлығы, Галина Бахшиева/. Башҡортостан Башлығы вазифаһын ваҡытлыса башҡарыусы Радий Хәбиров Дәүләт Думаһы, республика Дәүләт Йыйылышы — Ҡоролтай депутаттары менән осрашыуҙа уларҙы «федераль дәүләт власы органдары менән эш итеүҙә беҙҙең ҡулдарыбыҙ, этәргес көсөбөҙ» тип атаны.

Парламентарийҙар менән осрашыу төбәккә милли проекттар һәм маҡсатлы программалар сиктәрендә бүленгән федераль аҡса йәлеп итеү эшенең яҡынса йомғаҡтарына арналды. Радий Хәбиров әйтеүенсә, был йүнәлештә билдәле уңыштарға өлгәшелде.

«Республикаға федераль аҡса йәлеп итеү эшен системалы, сифатлыраҡ кимәлгә ҡуйырға теләйбеҙ. Парламентарийҙарҙың эшен уларҙың һәр береһе йәлеп иткән федераль аҡса күләменә ҡарап баһалайбыҙ. Һәр кемдән яҡшы һөҙөмтәгә иҫәп тотабыҙ. Беҙгә депутат корпусының республика ғаризаларын яҡлау буйынса әүҙемерәк эшләүе кәрәк», — тип мөрәжәғәт итте депутаттарға Башҡортостан Башлығы вазифаһын ваҡытлыса башҡарыусы.

Эштең иң мөһим өлөшө – республиканың милли проекттарҙы һәм федераль маҡсатлы программаларҙы тормошҡа ашырыуҙа ҡатнашыуын тәьмин итеү, тип билдәләнеләр хөкүмәттәге кәңәшмәлә.

«Әлеге ваҡытта федераль кимәлдә беҙ ҡатнаша алырлыҡ 30 программа эшләй. Былтыр Башҡортостан уларҙың бөтәһендә лә ҡатнашты. Улар буйынса федераль ҡаҙнанан фактик керем 65,7 миллиард һум тәшкил итте. 2017 йылға ҡарағанда был 1,8 миллиард һумға күберәк, — тине Башҡортостан Хөкүмәте вице-премьеры вазифаһын башҡарыусы Илшат Тажетдинов. — Бүленгән федераль аҡсаны дөйөм үҙләштереү 65,6 миллиард һум тәшкил итте. Сағыштырмаса әйткәндә, 99,8 процент, был финанс дисциплинаһының юғары кимәлдә булыуы хаҡында һөйләй».

Федераль бюджеттан бүленгән аҡсаның дөйөм күләме буйынса Башҡортостан әле Рәсәйҙә һигеҙенсе урынды биләй.

«Ағымдағы йылда дөйөм бурысыбыҙ — ошо һанды кәмендә 70-75 миллиард һумға еткереү, — тип йомғаҡ яһаны республика етәксеһе Радий Хәбиров. — Республикаға федераль аҡса килтерә алырҙай бер эш участкаһын, ниндәйҙер ҡыҙыҡлы проекттар алһаҡ, бәхетле булыр, иртәнән кискә тиклем уның юлын тапар инек».

1 из 6

http://www.bashinform.ru/news/1267348-rukovoditel-bashkirii-nazval-deputatov-privodnymi-remnyami-v-rabote-s-federalnoy-vlastyu-/

#радий хәбиров #депутаттар #милли проекттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.