Өфө хакимиәте башлығы Өлфәт Мостафин мэрҙарҙың милли рейтингында тәүге унау иҫәбенә инде

Олег Яровиков

ӨФӨ, 2018 йыл, 28 ноябрь. /«Башинформ» мәғлүмәт агентлығы, Галина Бахшиева/. Өфө хакимиәте башлығы Өлфәт Мостафин 2018 йылдың октябрь-ноябрендә «Мэрҙарҙың милли рейтингы»нда етенсе урынды алды.

«Рейтинг» мәғлүмәт коммуникациялары үҙәге Рәсәй Хөкүмәте ҡарамағындағы Финанс университеты менән берлектә илдең ҙур финанс-сәнәғәт үҙәктәре һәм төбәктәрҙең баш ҡалалары мэрҙары эшмәкәрлеген баһалауға арналған сираттағы тикшереү үткәрҙе.

Рейтингта Рәсәйҙең 88 ҡалаһы мэры ҡатнашты.

Көҙгө «Мэрҙарҙың милли рейтингы» лидеры – бер аҙ ғына тәнәфестән һуң Ҡазандан Илсур Мөхәмәтшин.

Икенсе урында – Мәскәү мэры Сергей Собянин, өсөнсөлә – Төмәндән Руслан Кухарук.

Тәүге бишәү исемлегенең аҙағында – Ханты-Мансиҙан Максим Ряшин һәм Петербургтан Александр Беглов.

Рейтингтың алтынсы урынында – Салехард мэры Иван Кононенко, етенселә — Өфө хакимиәте башлығы Өлфәт Мостафин.

Илдең тәүге ун мэры иҫәбенә шулай уҡ Белгород мэры Константин Полежаев, Калуганан – Дмитрий Разумовский, Грозныйҙан Ибраһим Закриев инде.

«Өлфәт Мостафин – Башҡортостандың баш ҡалаһында яңы кеше түгел. Уның хеҙмәт биографияһы тап ҡала хужалығы менән бәйле һәм торлаҡ-коммуналь хужалыҡ слесары вазифаһынан башланған тиһәң дә була. Ул идара итеүҙең район, республика кимәлен дә үткән, президент Рәхимов хакимиәтендә лә эшләгән. Өфөнөң яңы мэры теоретик түгел, ә ҡала хужалығынан тыш, Өфө ҡалаһын дә белгән практик, — тип аңлатма бирҙе рейтингты төҙөүселәргә тарихсы, Башҡортостан Республикаһы Башлығы ҡарамағындағы Башҡортостан дәүләт хеҙмәте һәи идара итеү академияһының политология кафедраһы профессоры Сергей Лаврентьев. — Мостафин республиканың яңы башлығы менән бәйләнеште яйға һалған, бынан алда ла улар бергә эшләгән. Шуға күрә ярҙам, терәк, берлектәге эшмәкәрлек булыр».

http://www.bashinform.ru/news/1244144-glava-administratsii-ufy-ulfat-mustafin-voshel-v-top-10-natsionalnogo-reytinga-merov/

Теги:мэрҙарҙың милли рейтингы өлфәт мостафин

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».