Өфө хакимиәте башлығының төҙөлөш буйынса урынбаҫары вазифаһын ҡалдыра

ӨФӨ, 2018 йыл, 2 ноябрь. /«Башинформ» мәғлүмәт агентлығы/. Өфө хакимиәте башлығының төҙөлөш һәм архитектура мәсьәләләре өсөн яуаплы урынбаҫары Артур Хромец үҙ теләге буйынса эшенән китте. Был хаҡта «Коммерсант- Өфө» хәбәр итә. Баҫма мәғлүмәттәре буйынса, 45 йәшлек элекке чиновник Мәскәүгә ҙур корпорацияға эшкә күсергә йыйына.

Артур Хромец Стәрлетамаҡта тыуған. Стәрлетамаҡ педагогия институтын, Эске эштәр министрлығының Өфө юридик институтын тамамлай. Карьераһын Башҡортостан Эске эштәр министрлығы тәштишсеһе булып башлай, Һалым енәйәттәре буйынса федераль хеҙмәт идаралығының тәүләп һорау алыу бүлеген етәкләй, Наркоконтролдә тәфтишсе булып эшләй, һуңынан — «Сода» асыҡ акционерҙар йәмғиәтенең хәүефһеҙлек бүлегендә әйҙәүсе белгес, генераль директорҙың хәүефһеҙлек буйынса урынбаҫары. 2017 йылдың декабренән вице-мэр булып эшләне.

http://www.bashinform.ru/news/1233289-zamglavy-administratsii-ufy-po-stroitelstvu-pokidaet-svoy-post/