Башҡортостан һәм Өфө яңылыҡтары
68.96
+0.2
74.96
+0.26
87.68
+1.56
-9 °C
Ҡар
Бөтә яңылыҡтар
Сәйәсәт
30 Октябрь 2018, 08:30

Радий Хәбиров: Өфөнөң яңы мэры менән күптән танышбыҙ

Олег Яровиков
Олег Яровиков
ӨФӨ, 2018 йыл, 30 октябрь. /«Башинформ» мәғлүмәт агентлығы,Азат Ғиззәтуллин/. Өлфәт Мостафинды Өфө хакимиәте башлығы итеп һайланғандан һәм уның менән контракт төҙөгәндән һуң Өфө ҡала Советы депутаттары алдында Башҡортостан Башлығы вазифаһын ваҡытлыса башҡарыусы Радий Хәбиров сығыш яһаны. Ул депутаттар корпусының ҡарары төплө уйланылған тип билдәләне.
«Өлфәт Мансур улын күптән белеүемде йәшермәйем. Беҙҙе эшлекле һәм шәхси мөнәсәбәттәр бәйләй. Яңы хакимиәт башлығы һәм уның командаһы ҡала үҫешһен, Өфө халҡынан бөтә яҡтан уңайлы булһын өсөн барыһын да эшләр тип өмөтләнәм. Был бик ҙур яуаплылыҡ һәм Һеҙ, намыҫлы кеше булараҡ, алдығыҙға ҡуйылған бурыстарҙы атҡара алырһығыҙ тип ышанам. Өфө – ул Башҡортостан. Бында республика халҡының дүрттән бер өлөшө йәшәй. Башҡортостан Хөкүмәте ҡала хакимиәтенең тоғро ярҙамсыһы булыр. Өфөлә ағымдағы хәлдәр торошона булышлыҡ итеү, тығыҙ бәйләнештә эшләү өсөн бер төркөм аныҡ ҡарарҙар ҡабул иттек», — тип билдәләне Радий Хәбиров.
Төбәк етәксеһе Өлфәт Мостафинды Өфө мэры вазифаһына һайланыуы менән ҡотланы һәм уға уңыштар теләне.
Хәтерегеҙгә төшөрәбеҙ, Өлфәт Мостафин кисә Башҡортостандың баш ҡалаһы хакимиәте башлығы итеп һайланды. Уның өсөн Өфө ҡала Советының 31 депутатынан 28-ҙе тауыш бирҙе.
http://www.bashinform.ru/news/1231287-radiy-khabirov-s-novym-merom-ufy-my-znakomy-davno/
Автор:Азат Ғиззәтуллин
Читайте нас в