Радий Хәбиров алданған өлөшсөләрҙең проблемалары буйынса кәңәшмә үткәрҙе

ӨФӨ, 2018 йыл, 25 октябрь. /«Башинформ» мәғлүмәт агентлығы/. Башҡортостан Башлығы вазифаһын ваҡытлыса башҡарыусы Радий Хәбиров алданған өлөшсөләрҙең проблемалары буйынса кәңәшмә үткәрҙе. Унда Башҡортостан Республикаһы Хөкүмәте ағзалары, хоҡуҡ һаҡлау органдары, профилле министрлыҡтар һәм ведомстволар етәкселәре, муниципалитет башлыҡтары ҡатнашты.

Республика Башлығының матбуғат хеҙмәтенән хәбәр итеүҙәренсә, кәңәшмәлә ҡатнашыусылар проблемалы төҙөлөшкә бәйле хәлде, өлөшсөләрҙең хоҡуҡтарын тергеҙеү варианттарын тикшерҙе.

Радий Хәбиров алдағы ике аҙнала һәр объект буйынса эштәрҙең көнүҙәк план-графигын күрһәтергә, ә ай ярымдан финанс схемаларын раҫларға ҡушты. Хоҡуҡ һаҡлау органдары ла был процесҡа ҡушылырға һәм төҙөүселәр эшенең законлылығын өйрәнергә тейеш, тип билдәләне төбәк етәксеһе. Башҡортостан Башлығы вазифаһын ваҡытлыса башҡарыусы хәлде шәхси контролдә тотасағын һыҙыҡ өҫтөнә алды.

Ағымдағы йылдың йәйендә проблемалылар реестрында 95 йорт ине. 2014 алданған өлөшсө торлаҡ ала алмай. Республика Төҙөлөш һәм архитектура буйынса дәүләт комитеты мәғлүмәттәренә ярашлы, «Миловка паркы» (төҙөүсеһе «КилСтройИнвест» яуаплылығы сикләнгән йәмғиәте), «Көмөш шишмә» (төҙөүсеһе «Крона»), «Яңы Булгаков» («СтройВертикаль») торлаҡ комплекстары, Өфөнөң Әхмәтов урамындағы һәм Нефте­каманың 25в-се биҫтәһен­дәге йорттар («Интеграл» акционерҙар йәмғиәте) иң ҙур проблемалы объекттар булып тора. Зыян күргән граждандар­ҙың 50 проценттан ашыуы ошо объекттарға тура килә.

http://www.bashinform.ru/news/1229045-radiy-khabirov-provyel-soveshchanie-po-problemam-obmanutykh-dolshchikov/