Дәүләт Думаһы депутаты Александр Сидякин: Башҡортостанды республикала тыуып үҫкән кешенең етәкләүе мөһим

ӨФӨ, 2018 йыл, 15 октябрь. /«Башинформ» мәғлүмәт агентлығы/. «Башҡортостанды ошонда йәшәгән халыҡтың телен, мәҙәниәтен белгән кешенең етәкләүе бик мөһим. Сөнки әҙерлекһеҙ кешегә килеү бик ҡатмарлы булыр ине, моғайын, — тине Татарстандан Рәсәй Дәүләт Думаһы депутаты Александр Сидякин Башҡортостан юлдаш телевидениеһындағы телемарафон барышында. — Президент кадрҙар тураһында ҡарар ҡабул иткәндә быларҙың барыһын да ентекле тикшерә».

Республика Башлығы вазифаһын башҡарыусы Радий Хәбировтың ғүмеренең байтаҡ йылдары Башҡортостан менән бәйле. «Мин урта йәштә Мәскәүгә сығып киттем, унда 10 йыл эшләнем, һәм әлбиттә, һағына инем, — тип һөйләне һуңғараҡ Радий Хәбиров «Рәсәй 1» телеканалындағы «Аҙна хәбәрҙәре» программаһы эфирында. — Маҡсатым — минән алда эшләгән кешеләрҙең һәйбәт эш һөҙөмтәләрен һаҡлау һәм республикалағы тормошто тағы ла яҡшыраҡ итеү».

«Башинформ» хәбәр иткәнсә, Радий Хәбиров республиканың Ишембай районында тыуып үҫкән. Башҡорт дәүләт университетының юридик факультетын тамамлаған һәм 2003 йылға тиклем вузда эшләгән. 2003 йылда Башҡорт дәүләт университетының Хоҡуҡ институты директоры вазифаһынан Башҡортостан Республикаһы Президенты Хакимиәте етәксеһе итеп тәғәйенләнгән. 2008 йылда Мәскәүгә күскән, Рәсәй Федерацияһы Президентының Эске сәйәсәт идаралығы начальнигы урынбаҫары булып эшләгән. 2017 йылдан Мәскәү өлкәһенең Красногорск башлығы булған.

http://www.bashinform.ru/news/1223973-deputat-gosdumy-aleksandr-sidyakin-vazhno-chto-bashkortostan-vozglavil-chelovek-iz-respubliki/