Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Сәйәсәт
8 Октябрь 2018, 09:15
Күмертауҙа яңыса ҡоролған вертолеттарҙы Балтика флотына тапшырҙылар
HMAS Tobruk Sea King
ӨФӨ, 2018 йыл, 8 октябрь. /«Башинформ» мәғлүмәт агентлығы, Наталья Овчарук/. Балтика флоты ҡарамағына һыу аҫты кәмәләренә ҡаршы биш яңыса ҡоролған Ка-27М вертолеты килде. Флоттың рәсми вәкиле Роман Мартов ул 2018 йылда диңгеҙ авиацияһын планға ярашлы яңынан ҡоралландырыу программаһы сиктәрендә булды тип хәбәр итте.
ТАСС агентлығы мәғлүмәттәре буйынса, вертолеттарҙы яңыса ҡороу эшен «Рәсәй вертолеттары» холдингына ингән Күмертау авиация етештереү предприятиеһы белгестәре уҙғарған.
«Борттағы радиоэлектрон ҡорамалы яңыртылған, яңы эҙләү системаһы һәм радиоакустик ҡорамалы ҡуйылған. Былар барыһы ла дошмандың һыу аҫты кәмәләрен эҙләү һәм табыу буйынса бурысты үтәү һөҙөмтәлелеген ныҡ ҡына арттырырға мөмкинлек бирә», — тип агентлыҡ флот вәкиленең телмәренән өҙөмтә килтерә.
Билдәләп үтергә кәрәк, Ка-27М вертолеты Ка-27ПЛ-дың яңыса ҡоролған төрө булып тора. Машина һыу аҫты кәмәһенә ҡаршы көрәшеү өсөн тәғәйенләнгән. Ҙур һыу өҫтө карабында һәм авианосецҡа урынлаштырыу мөмкин.
http://www.bashinform.ru/news/1221269-vertolety-modernizirovannye-v-kumertau-peredali-baltiyskomu-flotu/
Автор:
Наталья Овчарук
Теги:
күмертау
вертолет
балтика флоты
Читайте нас: