Башҡортостан парламенты вице-спикерҙарына кандидаттар билдәле булды

ӨФӨ, 2018 йыл, 27 сентябрь. /«Башинформ» мәғлүмәт агентлығы, Ғәлиә Нәбиева/. «Берҙәм Рәсәй» партияһы ағзалары парламент вице-спикерҙары вазифаларына кандидаттар һайланы. Улар – Эльвира Айытҡолова һәм Рөстәм Ишмөхәмәтов. Ҡарар 26 сентябрҙә «Берҙәм Рәсәй» фракцияһының пленар ултырышында ҡабул ителде. Ошондай уҡ йәшерен тауыш биреү юлы менән һигеҙ даими комитет, ете комиссия, шулай уҡ уларҙың рәйестәре һәм урынбаҫарҙары вазифаларына кандидаттар исемлеге билдәләнде, тип хәбәр иттеләр партияла.

Хәтерегеҙгә төшөрәбеҙ, 22 сентябрҙә төбәк бүлексәһе конференцияһында Башҡортостан Дәүләт Йыйылышы – Ҡоролтай Рәйесе вазифаһына Константин Толкачев кандидатураһы тәҡдим ителде.

Башҡортостан Дәүләт Йыйылышының етәксе вазифаларына тәғәйенләүҙәр тураһында ҡарар парламенттың тәүге пленар ултырышында, 28 сентябрҙә, ҡабул ителә.

http://www.bashinform.ru/news/1216940-opredeleny-kandidaty-v-vitse-spikery-parlamenta-bashkirii-/