Рөстәм Хәмитов Башҡортостан халҡына һайлауҙа әүҙем ҡатнашҡандары өсөн рәхмәт әйтте

Башҡортостан Башлығының матбуғат хеҙмәте

«Башинформ» мәғлүмәт агентлығы

ӨФӨ, 2018 йыл, 11 сентябрь. /«Башинформ» мәғлүмәт агентлығы/. Кисә республика Йортонда Башҡортостан Башлығы Рөстәм Хәмитов брифинг үткәрҙе. Унда Башҡортостан Республикаһы Дәүләт Йыйылышы – Ҡоролтайға булған һайлауҙар йомғаҡтарына фекерен белдерҙе һәм төбәк халҡына тауыш биреүҙә әүҙем ҡатнашҡандары өсөн рәхмәт әйтте.

- Республика халҡына һайлауҙа әүҙем ҡатнашҡандары өсөн рәхмәт әйтәһем килә. 3 миллион һайлаусынан 1,5 миллионы тиерлек участкаларға килде, үҙ тауыштарын бирҙе. Был, бер төркөм субъекттарҙа һайлаусыларҙың килеүе саҡ 20-30 проценттан артҡанда, бөгөнгө ысынбарлыҡта яҡшы һөҙөмтә. Ә беҙҙә 50 процентҡа яҡын, - тине Рөстәм Хәмитов. - Ул, һис шикһеҙ, һайлауҙарға ысынлап та яуаплы, етди ҡараған һайлаусыларыбыҙҙың, граждандарыбыҙҙың ҡаҙанышы. Был осраҡта Башҡортостан Республикаһы өсөн ҡыҙарырға тура килмәй. Ул яҡшы, лайыҡлы һөҙөмтә.

Тауыш биреүселәрҙең 60 проценты тиерлек «Берҙәм Рәсәй»ҙе һайланы, тип билдәләне республика етәксеһе. Бынан тыш, партия 55 бер мандатлы һайлау округында тауыш биреү йомғаҡтары буйынса 46-47 мандат ала.

- «Берҙәм Рәсәй»ҙән бер мандатлылар ҙа һәйбәт эшләне: халыҡты өндәне, кешеләр менән аралашты, тормоштоң нимә икәнлеген кабинеттан ғына күҙәтмәне, ә уның эсендә ҡайнаны, - тип билдәләне Рөстәм Хәмитов. - Власть партияһы Башҡортостан Республикаһы парламентында алдынғылығын һаҡлап ҡала. Ул үҙенә бер төрлө тотороҡлоҡто аңлата, шул иҫәптән төрлө кимәлдәге мөһим мәсьәләләрҙе хәл иткәндә.

Яҡынса мәғлүмәттәр буйынса, 79 депутат – «Берҙәм Рәсәй», 15-е – КПРФ, етәүһе – ЛДПР, бишәүһе «Ғәҙел Рәсәй» исеменән эш алып барасаҡ.

- Мин бәләкәй партиялар өсөн дә борсолдом. «Рәсәй патриоттары», «Йәшелдәр» ҙә биш процентлыҡ сикте үтеүен теләнем. Әммә уларҙыҡы, ҡыҙғанысҡа ҡаршы, етмәне. Шуға ҡарамаҫтан, улар парламентта буласаҡ, - тине Рөстәм Хәмитов. - Был сираттағы тапҡыр Башҡортостан Республикаһы үҙенең һайлау системаһында әле уҡ һайлау алды көрәшен һәм һайлауҙарҙы заманса алып барыу төрҙәренә иҫәп тотоуын билдәләй. Беҙ һайлауҙарҙа ҡатнашыу ғына түгел, унда еңеү кеүек мөмкинлектәр төрлөлөгө булған заманса биләмә статусына тағы ла нығыраҡ тап киләбеҙ. Әйткәндәй, республика етәксеһе булараҡ минең өсөн дә был бик мөһим һәм яҡшы һөҙөмтә.

http://www.bashinform.ru/news/1209024-rustem-khamitov-poblagodaril-zhiteley-bashkortostana-za-aktivnoe-uchastie-v-vyborakh/

#башҡортостан башлығы #һайлауҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.