Рөстәм Хәмитов: «Һайлауҙар ғәҙел, яҡшы, тыныс шарттарҙа уҙҙы»

Башҡортостан Башлығының матбуғат хеҙмәте, «Берҙәм Рәсәй» партияһы сайты

«Башинформ» мәғлүмәт агентлығы

ӨФӨ, 2018 йыл, 10 сентябрь. /«Башинформ» мәғлүмәт агентлығы/. «Берҙәм Рәсәй» партияһы Рәйесе, Рәсәй Хөкүмәте Рәйесе Дмитрий Медведев Берҙәм тауыш биреү көнө йомғаҡтары буйынса төбәктәр менән видеоконференция режимында селектор кәңәшмә уҙғарҙы. Унда Башҡортостан Башлығы, Партияның Юғары советы ағзаһы Рөстәм Хәмитов ҡатнашты.

Башҡортостан Республикаһы Дәүләт Йыйылышы – Ҡоролтай депутаттарын һайлау тураһында һөйләгәндә, партия Рәйесе уның етди һәм конкурентлы үтеүен билдәләне.

- Яҡынса мәғлүмәттәр буйынса фекер йөрөткәндә, һөҙәмтәләр бик яҡшы, лайыҡлы, - тине Дмитрий Медведев. - Шуға күрә һеҙҙе һайлау кампанияһын уҙғарыу менән ҡотлайым һәм уңыштар теләйем.

- Һәр ваҡыттағыса, Башҡортостан һайлауҙар уҙғарыу йәһәтенән әүҙем эшләне. Беҙҙә һөҙөмтәләр яҡшы – һайлаусыларҙың яҡынса 50 проценты - 3 миллион һайлаусынан 1,5 миллионы һайлау участкаларына килде, - тип хәбәр итте республика етәксеһе. - Әле бюллетендәрҙең 27 проценты эшкәртелгән. «Берҙәм Рәсәй» 61 процент һөҙөмтә менән еңә. Беҙҙең бер мандатлы кандидаттар һәйбәт эшләне. 55 округтан күбеһенсә «Берҙәм Рәсәй» вәкилдәре һәм ул тәҡдим иткәндәр еңә. Әле уҡ 40 округта еңеүебеҙ аңлашыла.

Һайлаусыларҙың яртыһынан күберәге һайлау бюллетендәрен эшкәртеү комплекстары ярҙамында тауыш бирҙе, тип билдәләне республика Башлығы. Атап әйткәндә, Өфөлә һайлау участкаларының 95 проценты КОИБ-тар менән тәьмин ителде.

- Ул һайлауҙарҙың ғәҙел, яҡшы, тыныс шарттарҙа, аңлы рәүештә үтеүе тураһында һөйләй. Һөҙөмтә лә, һис шикһеҙ, ғәҙел буласаҡ, - тип һыҙыҡ өҫтөнә алды Рөстәм Хәмитов.

Берҙәм тауыш биреү көнөнә йомғаҡ яһап, Дмитрий Медведев «Берҙәм Рәсәй» һайлауҙарҙа лайыҡлы һөҙөмтә күрһәтте тип билдәләне.

- Партия тотороҡло сығыш яһаны һәм, яҡынса мәғлүмәттәр буйынса, һайлауҙар булған Федерация субъекттарының бөтә закондар сығарыу органдарында ла тиерлек алдынғылыҡты һаҡлай, - тине партия Рәйесе. - Ни тиһәң дә, был турала яҡынса тикшеренеүҙәр, экзит-пол мәғлүмәттәре, ә ҡайҙалыр һайлау комиссиялары һанаған иҫәптәр менән бәйле мәғлүмәттәр ҙә дәлилләй.

Уның һүҙҙәренсә, партия тәҡдим иткән йәки хуплаған төбәк етәкселәре вазифаһына кандидаттар ҙа уңышлы сығыш яһаны.

- Депутат мандаттары, Федерация субъекттарының юғары вазифалы кешеләренең вәкәләттәре, губернатор вәкәләттәре кеүек, үҙ илеңә, халҡыңа хеҙмәт итеү һәм алдыбыҙҙа торған ғәйәт ҙур мәсьәләләрҙе хәл итеү өсөн бирелә, - тип һыҙыҡ өҫтөнә алды Дмитрий Медведев.

1 из 2

http://www.bashinform.ru/news/1208408-rustem-khamitov-vybory-proshli-chestno-v-normalnoy-spokoynoy-obstanovke/

#башҡортостан башлығы #һайлауҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.