Башҡортостанға Саксониянан парламентарийҙар һәм эшлекле даирәләр делегацияһы килә

Олег Яровиков

IMPORT Сервисный

ӨФӨ, 2018 йыл, 24 август. /«Башинформ» мәғлүмәт агентлығы, Әлим Фәйезов/. Башҡортостанға Саксония ирекле дәүләте Саксония Ландтагының рәсми делегацияһы килә. Сәфәр Башҡортостан һәм Саксония араһында парламент-ара хеҙмәттәшлек сиктәрендә ойошторолған. 20 кешенән торған делегацияны Саксония Ландтагының тирә-яҡ мөхит һәм ауыл хужалығы мәсьәләләре буйынса комитеты рәйесе Себастиан Фридер Фишер етәкләй. Өфөгә шулай уҡ Консул, Германияның Екатеринбургтағы Генераль Консулының даими урынбаҫары Людвиг Нойдорфер һәм Германия Федератив Республикаһының Мәскәүҙәге илселегенең ауыл хужалығы мәсьәләләре буйынса референты Томас Кристиан Хубер килә.

Саксония делегацияһының сәфәре 26 августан 1 сентябргә тиклем дауам итә. Ошо ваҡыт эсендә ҡунаҡтар Өфөнән тыш, Өфө, Белорет, Бөрйән райондарына ла бара, тип хәбәр иттеләр Башҡортостан Республикаһы Дәүләт Йыйылышының матбуғат хеҙмәтендә.

«Дәүләт Йыйылышы тарихында сит илдәрҙән ошондай ҙур делегацияның булғаны юҡ ине. Был сәфәр ике ил төбәктәренең иҡтисади һәм мәҙәни хеҙмәттәшлегенә ныҡлы нигеҙ һалырға тейеш, — тине Башҡортостан Республикаһы Дәүләт Йыйылышы — Ҡоролтай рәйесе Константин Толкачев. — 2017 йылда Саксония Ландтагы делегацияһы оҙайлы тәнәфестән һуң республикабыҙҙа булып китте. Ҡунаҡтар етештереүҙең төрлө тармаҡтарын үҫтереү преспективалары менән танышты, ике яҡлы инвестиция проекттарын ғәмәлгә ашырыу һәм Башҡортостанда берлектә предприятиелар булдырыу мөмкинлектәрен баһаланы. Әлеге сәфәр беҙҙең йылы дипломатик мөнәсәбәттәребеҙҙе нығытыуҙан тыш, уларҙы иҡтисад өлкәһенә күсерергә тейеш».

Сәфәр барышында ҡунаҡтарҙың Дәүләт Йыйылышы депутаттары, Сәнәғәт һәи инновация сәйәсәте министрлығы, Урман хужалығы министрлығы, Ауыл хужалығы министрлығы, Башҡортостандың Тышҡы иҡтисади бәйләнештәр буйынса дәүләт комитеты, Эшҡыуарлыҡ һәм туризм буйынса дәүләт комитеты етәкселеге менән осрашыуҙары ҡаралған.

Ҡунаҡтар шулай уҡ Юғары мөфтөй, Рәсәй мосолмандарының Үҙәк диниә назараты рәйесе Тәлғәт Тажетдин, Башҡорт дәүләт аграр университетының ғилми-педагогик коллективы, Башҡортостандың Һунарсылар һәм балыҡсылар ассоциацияһы ағзалары, сәйәси партиялар вәкилдәре менән осраша, Башҡорт балы йортона, «Шүлгәнташ» ҡурсаулығына бара, Рәсәй Фәндәр академияһы Өфө федераль тикшеренеү үҙәгенең ботаника баҡса-институты, «Алексеевский» совхозы, «Аҡбуҙат» ипподромы, «Селена» урман сәнәғәте компанияһы эше менән таныша.

«Шуныһы мөһим — делегация составында парламентарийҙарҙан тыш, бизнес вәкилдәре лә бар. Ике яҡ та аныҡ килешеүҙәргә өлгәшеү, берлектәге предприятиелар булдырыу менән ҡыҙыҡһына, — тип билдәләне Константин Толкачев. — Уҙған йылда уҡ ҡунаҡтар Башҡортостандың яңыртылған энергия алыу өлкәһендәге тәжрибәһе, ауыл хужалығы, экология, ағас эшкәртеү өлкәһендәге хеҙмәттәшлек ҙур ҡыҙыҡһыныу уятыуы хаҡында белдергәйне. Был юлы Саксониянан ошо йүнәлештәге белгестәр килә. Әлеге өлкәләрҙә хеҙмәттәшлек итеү ике яҡҡа ла файҙалы булыр тип көтөлә».

http://www.bashinform.ru/news/1201073-v-bashkiriyu-pribyvaet-delegatsiya-parlamentariev-i-delovykh-krugov-iz-saksonii/

#парламент-ара бәйләнештәр #сәфәрҙәр #башҡортостан дәүләт йыйылышы #саксония

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.