Башҡортостан парламенты әҙерләгән туберкулезға ҡаршы көрәш тураһында федераль закон үҙ көсөнә инде

IMPORT Сервисный

ӨФӨ, 2018 йыл, 14 август. /«Башинформ» мәғлүмәт агентлығы, Гөлфиә Акулова/. «Рәсәй Федерацияһында туберкулезды таратыуҙы иҫкәртеү тураһында» федераль законға үҙгәрештәр индереү тураһында» Федераль закон көсөнә инде. Уның проектын Башҡортостан Республикаһы Дәүләт Йыйылышы — Ҡоролтай әҙерләгән. Законда туберкулезға бәйле күҙәтеү аҫтында булған кешеләр өсөн диспансеризация һәм табип тәғәйенләгән дауалауҙы үтеү бурыстары билдәләнгән. Башҡортостан Дәүләт Йыйылышы рәйесе Константин Толкачев фекеренсә, ҡабул ителгән саралар етерлек түгел, һәм туберкулезға ҡаршы көрәш өлкәһендәге ҡануниәтте камиллаштырыу эшен дауам итергә кәрәк.

«Туберкулездың таралыуы күп осраҡта уның йөрөтөүсенең тәртибенә бәйле. Ҡыҙғанысҡа ҡаршы, ошондай граждандарҙың күбеһенең йәшәү рәүеше йыш ҡына уларға үҙаллы рәүештә һаулыҡтары менән шөғөлләнергә мөмкинлек бирмәй. Ҡабул ителгән закон уларға медицина ойошмаларында тикшерелеү һәм дауаланыу бурысын йөкмәтә. Шул рәүешле, беренсенән, туберкулез сирлеләрҙең һаулығын нығытырға, икенсенән, халыҡтың сәләмәтлеген һаҡларға мөмкин, — тине Константин Толкачев. — Республика парламенты туберкулездың таралыуына ҡаршы көрәш өлкәһендәге ҡануниәтте камиллаштырыу эшен дауам итергә ниәтләй. Ошо ауырыуҙан зыян күргәндәрҙе тейешенсә дауалауҙы, шулай уҡ уны бөтөрөүҙе, туберкулездың таралыуына юл ҡуймауҙы тәьмин итеү мөһим. Беҙҙең башланғыс буйынса ҡабул ителгән Федераль законда сирҙе таратыусылар өсөн бурыстар билдәләнгән, ләкин ошо талаптарҙы үтәмәгән өсөн яуаплылыҡ яҙылмаған. Был мәсьәлә айырым өйрәнеүҙе талап итә. Кәрәк булған осраҡта беҙ тейешле закон проектын әҙерләрбеҙ һәм уны Дәүләт Думаһына индерербеҙ».

http://www.bashinform.ru/news/1197161-vstupil-v-silu-federalnyy-zakon-o-protivodeystvii-tuberkulezu-razrabotannyy-parlamentom-bashkortosta/

#башҡортостан дәүләт йыйылышы #закон проекты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.