Башҡортостан Башлығы Хакимиәтендә Коррупцияға ҡаршы эш итеү идаралығы булдырылды

«Башинформ» мәғлүмәт агентлығы

IMPORT Сервисный

ӨФӨ, 2018 йыл, 3 август. /«Башинформ» мәғлүмәт агентлығы/. Башҡортостан Башлығы Хакимиәтендә Коррупцияға ҡаршы эш итеү идаралығы булдырылды. Тейешле Указға Рөстәм Хәмитов ҡул ҡуйҙы.

Идаралыҡ быға тиклем Башҡортостандың Ведомство-ара йәмәғәт хәүефһеҙлеге советы аппаратына ингән коррупция һәм башҡа хоҡуҡ боҙоуҙарҙы иҫкәртеү һәм коррупцияға ҡаршы сәйәсәтте бойомға ашырыу бүлеге урынына асылды. Шулай итеп, властың төрлө кимәлдәрендә коррупцияға ҡаршы көрәш буйынса эш көсәйтелә.

Был республикала ошо йүнәлештәге тәүге аҙымдар түгел. Әйтәйек, төбәктә коррупцияға ҡаршы сәйәсәтте тормошҡа ашырыуҙа яңы алымдар индерелә. Бер нисә республика законына үҙгәрештәр индерелде, уларға ярашлы муниципаль хеҙмәткәрҙәр Башҡортостан Башлығына килемдәре һәм сығымдары тураһында мәғлүмәттәр бирергә тейеш. Хоҡуҡ боҙоуҙар асыҡланһа, төбәк етәксеһе урындағы үҙидара органына дөрөҫ булмаған мәғлүмәттәр тапшырған чиновниктың вәкәләттәрен ваҡытынан алда туҡтатыу тураһында ғариза менән мөрәжәғәт итергә тейеш.

2017 йыл йомғаҡтары буйынса, 33 граждан һәм 133 муниципаль хеҙмәткәрҙәр яуаплылыҡҡа тарттырылған. Атап әйткәндә, муниципаль вазифаларҙы һәм муниципаль хеҙмәт вазифаларын биләгән 30 кеше ышанысты юғалтыу менән бәйле эшененән бушатылған. Өфө һәм Нефтекама хакимиәттәрендә етди коррупция хоҡуҡ боҙоуҙары асыҡланған. Тикшереү һөҙөмтәләре буйынса республиканың төрлө райондарында бер нисә ауыл советы башлыҡтары һәм депутаттары үҙ вәкәләттәрен юғалтҡан.

- Илдә лә, республикала ла коррупцияға ҡаршы ҙур эштең беренсе йыл ғына алып барылмауын аңлайбыҙ. Ил президенты, уның етәкселеге урындағы һәм федераль властарҙан ошо йәһәттән эшмәкәрлекте көсәйтеүҙе талап итә. Коррупция илдең иҡтисадын үҫтереүгә ҡамасаулай, эшҡыуарҙар, бизнес өсөн оло проблемалар тыуҙыра, — тип билдәләне Рөстәм Хәмитов коррупцияға ҡаршы көрәш буйынса комиссияның һуңғы ултырышында. — Коррупцияға ҡаршы эшмәкәрлек йәһәтенән мәғлүмәт биреүгә һәм пропагандалауға ҙур иғтибар бирергә тейешбеҙ. Беҙгә ошо күренешкә түҙмәүсәнлек хәлен булдырыуҙы дауам итергә кәрәк. Бер һүҙ менән әйткәндә, беҙгә даими рәүештә вазифалы кешеләрҙән талапты көсәйтергә һәм коррупцияға ҡаршы көрәш темаһы менән шөғөлләнергә кәрәк.

http://www.bashinform.ru/news/1193125-v-administratsii-glavy-bashkortostana-sozdano-upravlenie-po-protivodeystviyu-korruptsii/

#башҡортостан башлығы #рөстәм хәмитов #коррупцияға ҡаршы көрәш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.