Башҡортостанға Эритрея дәүләте делегацияһы килә

ӨФӨ, 2018 йыл, 9 июнь. /«Башинформ» мәғлүмәт агентлығы, Ғәлиә Нәбиева. Башҡортостан Эритрея дәүләте делегацияһын ҡабул итергә әҙерләнә. Үҙәк район Хакимиәте (Асмэра ҡалаһы хакимиәте) вәкилдәре республикала 9-13 июндә була. Делегацияла Үҙәк район Хакимиәте (Асмэра ҡалаһы хакимиәте) башлығы генерал-майор Ромодан Авлияй, мәҙәниәт һәм спорт эштәре буйынса министр Илсе Земеде Телеке, төҙөлөш үҫеше буйынса департамент директоры, инженер Тесфаалем Уельдемикаель, Эритрея Дәүләтенең Рәсәй Федерацияһындағы Ғәҙәттән тыш һәм Тулы хоҡуҡлы илсеһе Петрос Цегай Асгедом.

Рәсәй Сит ил эштәре министрлығының Өфөләге рәсми вәкиле Венер Ғәлиәкбәров аңлатыуынса, сәфәр маҡсаты – Асмэра һәм Өфө ҡалалары араһында дуҫлыҡ мөнәсәбәттәре булдырыу, коммуналь хужалыҡты ойоштороу, ҡала предприятиеларының һәм социаль мәҙәни, көнкүреш тәғәйенләнештәге объекттарҙың эше менән танышыу.

Баш ҡаланың предприятиеларында булыуҙан тыш, Эритрея делегацияһы ағзалары «Ufa-Kuraifest», «Симфоник төн» һәм «Этнотөн» байрамдарының ҡунаҡтары була, шулай уҡ «Евразия йөрәге» фестиваленең гала-концертын баһалай.

http://www.bashinform.ru/news/1171620-v-bashkiriyu-pribyvaet-delegatsiya-gosudarstva-eritreya/