Константин Толкачев Волга буйы федераль округы парламенттары башлыҡтарының медиарейтингын етәкләне

ӨФӨ, 2018 йыл, 8 июнь. /«Башинформ» мәғлүмәт агентлығы, Гөлфиә Акулова/. Башҡортостан Дәүләт Йыйылышы – Ҡоролтай Рәйесе Константин Толкачев 2018 йылдағы май айының йомғаҡтары буйынса Рәсәй субъекттарының закондар сығарыу башлыҡтары медиарейтингында һигеҙенсе урын алды, ә Волга буйы федераль округында рейтингты етәкләне.

Төбәк парламентының матбуғат хеҙмәте хәбәр итеүенсә, Константин Толкачев Рәсәйҙең бөтә төбәк парламенттары етәкселәрен уҙып китте, Кемеров өлкәһе (Аман Тулеев), Чечня (Магомед Даудов), Иркутск өлкәһе (Сергей Брилка), Мәскәү өлкәһе (Игорь Брынцалов), Санкт-Петербург (Вячеслав Макаров), Краснодар крайы (Юрий Бурлачко) һәм Севастополь (Екатерина Алтабаева) коллегаларынан ғына ҡалышып. Тәүге унауға Ҡырым һәм Мәскәү парламенттары рәйестәре Владимир Константинов һәм Алексей Шапошников ингән.

Медиарейтинг тураһында мәғлүмәттәрҙе 2013 йылдан рейтинг тикшеренеүҙәр менән шөғөлләнгән һәм әле мониторингта һәм киң мәғлүмәт саралары анализында лидер булған «Медиалогия» компанияһы баҫып сығарған. Рейтинг «Медиалогия» системаһына ТВ, радио, гәзиттәр, журналдар, мәғлүмәт агентлыҡтары, интернет киң мәғлүмәт саралары ингән яҡынса 44 900 сығанаҡ нигеҙендә төҙөлгән.

http://www.bashinform.ru/news/1171123-konstantin-tolkachev-vozglavil-mediareyting-glav-parlamentov-privolzhskogo-federalnogo-okruga/