Башҡортостан һәм Өфө яңылыҡтары
68.96
+0.2
74.96
+0.26
87.68
+1.56
-9 °C
Ҡар
Бөтә яңылыҡтар
Сәйәсәт
1 Июнь 2018, 10:10

Башҡортостан парламенты 1-се класс уҡыусыларына мәктәп кәрәк-яраҡтары бүләк итергә рөхсәт бирҙе

Олег Яровиков
Олег Яровиков
ӨФӨ, 2018 йыл, 1 июнь. /«Башинформ» мәғлүмәт агентлығы, Ғәлиә Нәбиева/. Башҡортостанда аҙ тәьмин ителгән ғаиләләрҙән беренсе класс уҡыусылары бушлай мәктәп кәрәк-яраҡтары аласаҡ. Республиканың Дәүләт Йыйылышы депутаттары майҙың һуңғы көнөндә пленар ултырышта ҡануни рәүештә ғаиләләргә был хоҡуҡты беркетте.
Төбәк парламенты спикеры һүҙҙәренсә, ярҙам сараһы республикала беренсе йыл ғына күрһәтелмәй, әммә ҡануни рәүештә ул беркетелмәгәйне.
«Һуңғы өс йылда мәктәп тауарҙары республика Хөкүмәте бойороҡтары нигеҙендә бүленде. Уҙған йылда уларҙы 19 миллион һумдан ашыу суммаға һигеҙ меңдән ашыу бала алды. Был категорияға ҡараған балаларға бушлай мәктәп кәрәк-яраҡтарына хоҡуғын ҡануни беркетеүҙе дөрөҫ тип иҫәпләйбеҙ. Был маҡсатҡа аҡсалар республика ҡаҙнаһында һалынған».
Парламентарийҙар закон проектын икенсе уҡыуҙа ҡабул итте. Ул 2018 йылдың 1 сентябренә аҙ тәьмин ителгән ишле ғаиләләрҙән беренсе класс уҡыусыларына бушлай мәктәп-яҙыу тауарҙарын биреүҙе гарантиялай.
http://www.bashinform.ru/news/1167413-parlament-bashkirii-razreshil-darit-pervoklassnikam-shkolnye-prinadlezhnosti/
Автор:Ғәлиә Нәбиева
Читайте нас в