Башҡортостан — оҙон ғүмерлеләр буйынса лидер төбәктәр иҫәбендә

IMPORT Сервисный

ӨФӨ, 2018 йыл, 15май. /«Башинформ» мәғлүмәт агентлығы, Ғәлиә Нәбиева/. Йөҙ йәште уҙған пенсионерҙарҙың күбеһе Мәскәүҙә һәм Мәскәү өлкәһендә, шулай уҡ Санкт-Петербургта һәм Башҡортостанда йәшәй. Рәсәйҙең Пенсия фонды оҙаҡ йәшәүселәр һаны буйынса алдынғы төбәктәрҙе билдәләне, тип хәбәр итә РИА Новости. Президент Владимир Путин инаугурация көнөндә «Рәсәй Федерацияһының 2024 йылғы осорға тиклемге үҫешенең стратегик бурыстары һәм милли маҡсаттары тураһында» указға ҡул ҡуйҙы, унда уртаса ғүмер оҙайлығын арттырыу — төп бурыстарҙың береһе тип билдәләнгән. Дәүләт башлығы хөкүмәткә 2024 йылға ғүмер оҙайлығын — 78, ә 2030 йылға 80 йәшкә еткереү өсөн саралар күрергә ҡушты.

Ағымдағы айҙа Башҡортостанда юбилейлы тыуған көндәрен билдәләгән 484 йөҙйәшәргә Владимир Путиндан ҡотлау хаттары тапшырыу ҡаралған. Баҡалы, Көйөргәҙе райондарында, Благовещен, Салауат, Туймазы ҡалаларында йәшәгән биш ветеран бер быуатлыҡ юбилейын билдәләй, 55 кешегә 95 йәш тула, ә 424-е 90 йәшкә аяҡ баҫа, тип асыҡлыҡ индерҙеләр Рәсәй Пенсия фондының төбәк бүлексәһендә.

Әлеге көндә Рәсәйҙә иң өлкән пенсионер Чечняла йәшәй. Уға 128 йәш, ҡатын 1889 йылдың 1 июнендә донъяға килгән. Хәҙер илебеҙҙә 110 йәштән өлкән 37 кеше бар, уларҙың һәммәһе лә тиерлек Ҡабарҙа-Балҡарҙа, Чечняла, Дағстанда һәм Ингушетияла ғүмер кисерә.

2017 йыл йомғаҡтары буйынса Рәсәйҙә уртаса ғүмер оҙайлығы — 72,6 йәш, Мәскәүҙә иһә ул 80 йәшкә етеп бара. Шуның менән бергә илдә йөҙ йәште уҙған ете меңдән ашыу кеше иҫәпләнә.

Алдағы ете-һигеҙ йылда оҙон ғүмерлеләр һаны артыр тип күҙаллана.

http://www.bashinform.ru/news/1157013-bashkiriya-voshla-v-chislo-regionov-liderov-po-dolgozhitelyam/

#пенсия фонды #владимир путин #оҙаҡ йәшәүселәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.