Өфө Башҡортостан Республикаһы муниципаль берәмектәренең VII съезын ҡабул итергә әҙерләнә

Ғәлиә Нәбиева

ӨФӨ, 2018 йыл, 19 апрель. /«Башинформ» мәғлүмәт агентлығы, Ғәлиә Нәбиева/. Өфөлә Башҡортостан Республикаһы муниципаль берәмектәренең VII съезы үтә. Муниципалитет вәкилдәре республиканың баш ҡалаһында 20 апрелдә йыйыла.

Съезд урындағы үҙидара өлкәһендә мөһим бурыстарҙың береһе – муниципаль идара итеү сифатын һәм урындағы үҙидара органдары граждандарҙың тормош кимәлен күтәреү, халыҡ үҙенең социаль һәм иҡтисади хоҡуҡтарын тормошҡа ашырыу өсөн тигеҙ мөмкинлектәр булдырыу маҡсатында ҡабул иткән ҡарарҙарҙың һөҙөмтәлелеген арттырыуҙы тикшереү өсөн уникаль майҙансыҡ булып тора.

Сарала ҡатнашыу өсөн ғәҙәттәгесә делегаттар – муниципалитет, федераль һәм республика дәүләт власы органдары вәкилдәре йыйыла. Улар ыңғай тәжрибә менән уртаҡлаша, муниципалитет эшенә ҡағылышлы көнүҙәк һорауҙарҙы тикшерә һәм киләсәккә төп бурыстарҙы билдәләй.

Съезда ҡатнашыусыларҙы йөкмәткеле программа көтә. Төрлө саралар күҙалланған. Идара рәйесенең 2017-2018 йылдарға Совет эшмәкәрлеге тураһында отчеты, шулай уҡ яңы срокка берләшмәнең етәкселек органдарын һайлау һәр ваҡыттағыса пленар өлөштөң үҙәк мәсьәләләре булып тора. Һөҙөмтәләр буйынса йомғаҡлау документы ҡабул ителә. Уға муниципаль эшмәкәрлектең һәр йүнәлешен камиллаштырыу буйынса тәҡдимдәр инә.

VII Съезд быйыл Урындағы үҙидара көнөн байрам итеүгә бәйле булыуы менән республиканың муниципаль берләшмәһе өсөн ҙур әһәмиәткә эйә. Съезд алдынан муниципаль хеҙмәткәрҙәргә Башҡортостан Республикаһының дәүләт наградаларын һәм «Башҡортостан Республикаһының иң яҡшы муниципаль берәмеге» конкурсы еңеүселәренә дипломдар тапшырыу тантанаһы үтә.

Шул уҡ көндө съезда ҡатнашыусыларға Рәсәй төбәктәренең һәм муниципаль берәмектәрҙең экспозицияһы, Ғаилә йылына һәм Ирекмәнлек йылына арналған стендтар, шулай уҡ роботехника күргәҙмәһе тәҡдим ителә. Бынан тыш, ҡатнашыусылар республиканың Кадрҙарға тест үткәреү үҙәге үткәрәсәк тест ярҙамында ҡануниәт буйынса белемен тикшерә ала. Көн Башҡортостан Республикаһының сәнғәт оҫталары һәм дәүләт, муниципаль хеҙмәткәрҙәре араһында художество үҙешмәкәрлеге буйынса республика конкурсы еңеүселәренең концерты менән тамамлана.

http://www.bashinform.ru/news/1146435-ufa-gotovitsya-prinyat-vii-sezd-munitsipalnykh-obrazovaniy-bashkortostana/

#урындағы власть #съездар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.