Участка һайлау комиссиялары протоколдарының 25,03 процентын эшкәрткәндән һуң Владимир Путин алдынғылыҡты биләй

ӨФӨ, 2018 йыл, 19 март. /«Башинформ» мәғлүмәт агентлығы, Ғәлиә Нәбиева/. Үҙәк һайлау комиссияһы мәғлүмәттәре буйынса, ғәмәлдәге Рәсәй Президенты Владимир Путин участка һайлау комиссияларының йомғаҡлау протоколдарының 25,03 процентын эшкәрткәндән һуң 72,53 процент йыйып, алдығылыҡты биләй. КПРФ кандидаты Павел Грудинин – икенсе, ЛДПР кандидаты Владимир Жириновский өсөнсө урында тора.

Рәсәйҙә ил Президентын һайлау тамамланды. Дәүләт башлығы вазифаһы өсөн Бабурин Сергей Николаевич («Рәсәй дөйөм халыҡ союзы»), Грудинин Павел Николаевич (КПРФ), Жириновский Владимир Вольфович (ЛДПР), Путин Владимир Владимирович (үҙен-үҙе күрһәткән), Собчак Ксения Анатольевна («Гражданлыҡ инициативаһы»), Сурайкин Максим Александрович («Рәсәй коммунистары»), Титов Борис Юрьевич (Үҫеш партияһы), Явлинский Григорий Алексеевич («Яблоко») көс һынашты.

http://www.bashinform.ru/news/1130989-vladimir-putin-lidiruet-posle-obrabotki-25-03-itogovykh-protokolov-uik/