89.82
0
Башҡортостан һәм Өфө яңылыҡтары
99.72
0
70.86
-0.2
20+ °C
Болотло
Бөтә яңылыҡтар
Сәйәсәт
27 Февраль 2018, 13:26
Теплица хужалығы буйынса пландарыбыҙ ҙур — Башҡортостан башлығы
автор
ӨФӨ, 2018 йыл, 27 февраль. /«Башинформ» мәғлүмәт агентлығы, Галина Бахшиева/. Республиканың теплица хужалығы буйынса пландары ҙур, тип белдерҙе Башҡортостан Башлығы Рөстәм Хәмитов «Эксперт-Урал» журналына интервьюһында.
Дөйөм алғанда, 2017 йылда төбәктә 2,5 гектар яңы теплица файҙаланыуға тапшырылған. Ағымдағы йылда яҡынса шунса төҙөү күҙаллана.
«Ләкин был ғына аҙ. 30 гектар иҫке теплицаны һүтеп, уларҙың урынына яңыһын төҙөргә кәрәк. Хаҡы — алты-һигеҙ миллиард һум. Инвесторҙар эҙләйбеҙ. Ҙур структуралар, шул иҫәптән банктарҙың проекты менән ҡыҙыҡһынабыҙ. Ошо производствоны төҙөрбөҙ һәм бөгөнгө кеүек 17 мең тонна продукция түгел, ә кәм тигәндә 50 мең тонна алырбыҙ, тип ышанам», — тип өҫтәне Рөстәм Хәмитов.
«Башинформ» агентлығы хәбәр иткәнсә, әле Башҡортостан Республикаһы илдең ауыл хужалығы ойошмаларында теплицала йәшелсәләр үҫтереү буйынса иң яҡшы биш төбәге иҫәбенә инә.
Һуңғы бер нисә йылда илдә теплицала йәшелсәләр етештереү өҙлөкһөҙ арта, тип билдәләй эксперттар. 2017 йылда йәшелсәләрҙең тулайым йыйымы 952,6 мең тонна тәшкил иткән. Был 2016 йылға ҡарағанда (813,6 мең тонна) 17% күберәк һәм 2015 йылғы кимәлдән (709, 8 мең тонна) 34,2% юғарыраҡ.
Бөгөн теплицала йәшелсәләр үҫтереү — ауыл хужалығында дәүләт сәйәсәте өҫтөнлөктәренең береһе, айырыуса импортты алмаштырыу шарттарында. Мәҫәлән, өс йылда йәшелсәләр импорты ике тапҡырҙан ашыуға кәмегән — 2014 йылда 2,4 миллиондан 2016 йылда 1,1 миллионға тиклем.
«Эксперт-Урал» журналына интервьюның тулы тексы менән республика Башлығы сайтында танышырға мөмкин.
http://www.bashinform.ru/news/1121737-u-nas-bolshie-plany-po-teplichnomu-khozyaystvu-glava-bashkirii-/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».