Республикала Үҙәк һайлау комиссияһы йәмәғәт күҙәтеүселәрен һайлау ҡануниәте менән таныштыра

ӨФӨ, 2018 йыл, 14 февраль. /«Башинформ» мәғлүмәт агентлығы, Ғәлиә Нәбиева/. Башҡортостанда һайлауҙарҙа йәмәғәт күҙәтеүселәрен уҡытыу дауам итә. Салауатта республиканың Йәмәғәт палатаһы күҙәтеүселәрен уҡытыу буйынса зона семинары үтте. Семинарҙа Башҡортостандың Үҙәк һайлау комиссияһы секретары Марина Долматова, Йәмәғәт палатаһы Аппараты етәксеһе Радик Юлбаев, Күмертау, Мәләүез һәм Салауат ҡалаларының территориаль һайлау комиссиялары рәйестәре ҡатнашты.

Сарала ҡатнашыусылар 2018 йылдың 18 мартында Рәсәй Федерацияһы Президентын һайлау сиктәрендә йәмәғәт күҙәтеүе буйынса мәсьәләләрҙе тикшерҙе. Тауыш биреү көндө һайлау участкаһында эшләгәндә йәмәғәт күҙәтеүсеһенең статусына, уның хоҡуҡтарына һәм йөкләмәләренә айырыуса иғтибар бүленде. Ошо хаҡта үҙ сығышында Үҙәк һайлау комиссияһы секретары Марина Долматова ентекләп һөйләне. Һуңында семинарҙы ойоштороусылар унда ҡатнашыусыларҙың һорауҙарына яуап бирҙе.

http://www.bashinform.ru/news/1116850-v-bashkirii-tsik-znakomit-obshchestvennykh-nablyudateley-s-izbiratelnym-zakonodatelstvom/