Республика Үҙәк һайлау комиссияһында һайлаусылар өсөн «ҡыҙыу элемтә» асыҡ

ӨФӨ, 2018 йыл, 7 февраль. /«Башинформ» мәғлүмәт агентлығы, Ғәлиә Нәбиева/. Башҡортостан Үҙәк һайлау комиссияһы 2018 йылдың 5 февралендә Рәсәй Федерацияһы Президентын һайлауҙы уҙғарыу менән бәйле һорауҙар буйынса «ҡыҙыу элемтә» асты. Ул 2018 йылдың 18 мартында дәүләт башлығын һайлау осоронда һайлаусыларға мәғлүмәт биреү һәм граждандарҙың һайлау хоҡуҡтарын тормошҡа ашырыуҙы ойоштороу һәм яҡлау маҡсатында булдырылған.

Һорауҙарҙы 2018 йылдың 5 февраленән 18 мартҡаса 8-800-347-54-54 телефоны буйынса бирергә мөмкин. «Ҡыҙыу элемтә»нең эш ваҡыты: 16 мартҡаса – иртәнге сәғәт 9-ҙан көндөҙгө 1-гә, 2-нән киске 6-ға тиклем; 17 мартта – иртәнге 10-дан көндөҙгө 2-гә саҡлы; 18 мартта – иртәнге 8-ҙән киске 8-гә ҡәҙәр. «Ҡыҙыу элемтә» телефондарында тауыш биреү хоҡуғына эйә Башҡортостан Үҙәк һайлау комиссияһы ағзалары һәм Аппарат хеҙмәткәрҙәре дежур итә.

http://www.bashinform.ru/news/1113514-v-tsentrizbirkome-bashkirii-otkryta-goryachaya-liniya-dlya-izbirateley/