Башҡортостанда дәүләт хеҙмәтенә кандидаттарға талаптар йомшартыла

Олег Яровиков

IMPORT Сервисный

ӨФӨ, 2018 йыл, 23 ғинуар. /«Башинформ» мәғлүмәт агентлығы, Ғәлиә Нәбиева/. Башҡортостанда дәүләт гражданлыҡ һәм муниципаль хеҙмәт вазифаларын биләү өсөн дәүләт хеҙмәте йәки һөнәр буйынса эш стажына талаптарҙы йомшартыу күҙаллана. 25 ғинуарҙа Башҡортостан Дәүләт Йыйылышының пленар ултырышында депутаттар ике закон проектын ҡарарға ниәтләй.

Уҙған йылдың октябрь айында дәүләт башлығы федераль дәүләт гражданлыҡ хеҙмәте вазифалары өсөн талаптарҙы йомшартты. Ошоға оҡшаш үҙгәрештәр төбәк кимәлендә ҡабул ителә, тип асыҡлыҡ индерҙеләр парламенттың матбуғат хеҙмәтендә.

Үҙгәрештәр стаж буйынса түбәндәге талаптарҙы билдәләүҙе күҙ уңында тота. Дәүләт гражданлыҡ хеҙмәтендәге юғары вазифалар өсөн — дәүләт гражданлыҡ йәки муниципаль хеҙмәт йәки һөнәр буйынса дүрт йылдан кәм булмаған эш стажы (бынан алда алты йәки ете йыл ине). Төп вазифалар өсөн — дәүләт гражданлыҡ йәки муниципаль хеҙмәт йәки һөнәр буйынса ике йылдан кәм булмаған эш стажы (бынан алда дүрт йәки биш йыл булды). Әйҙәүсе, өлкән һәм бәләкәй вазифалар өсөн стажға талаптар юҡ. Муниципаль хеҙмәт өсөн дә шундай уҡ үҙгәрештәр ҡаралған.

«Дәүләт гражданлыҡ һәм муниципаль хеҙмәт өлкәһендәге ҡаты сикләүҙәрҙе иҫәпкә алып, лайыҡлы кандидатураларҙы һайлап алыу көндән-көн ҡатмарлаша. Айырыуса был вазифаларҙың юғары һәм төп төркөмдәренә ҡағыла, — тип аңлатма бирҙе Башҡортостандың Дәүләт Йыйылышы рәйесе Константин Толкачев. — Йыш ҡына шулай була: кеше һөнәри сифаттары буйынса бөтә яҡлап та әлеге вазифаға тап килә, ләкин формаль сәбәптәр арҡаһында уға тәғәйенләнә алмай. Һөҙөмтәлә административ сектор юғары квалификациялы етәкселәрҙе һәм белгестәрҙе юғалта».

Төбәк парламенты спикеры һүҙҙәренсә, яңы кадрҙар алыуға бәйле ҡатмарлыҡтар ҙа шуға бәйле. Дәүләт йәки муниципаль хеҙмәттә эшләү өсөн йәштәрҙең ошо өлкәлә эш тәжрибәһе булырға тейеш. Стаж буйынса талаптарҙың йомшартылыуы кадрҙарҙы яңыртырға, дәүләт һәм муниципаль идара итеү өлкәһенә һәләтле юристарҙы, иҡтисадсыларҙы, IT-технологтарҙы һәм башҡа белгестәрҙе йәлеп итергә мөмкин бирә.

#дәүләт хеҙмәте #ҡануниәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.