Константин Толкачев: «Республика Башлығының Мөрәжәғәтнамәһе сағыу социаль үҙенсәлеккә эйә»

Олег Яровиков

IMPORT Сервисный

ӨФӨ, 2017 йыл, 1 декабрь. /«Башинформ» мәғлүмәт агентлығы, Ғәлиә Нәбиева/. Төбәк парламенты спикеры Константин Толкачев Башҡортостан Башлығы Рөстәм Хәмитовтың Дәүләт Йыйылышы — Ҡоролтайға Мөрәжәғәтнамәһенә комментарий бирҙе.

«2017 йыл Мөрәжәғәтнамәһе сағыу социаль үҙенсәлеккә эйә. Төбәк тормошоноң төрлө яҡтарын — ҡануниәт базаһы, иҡтисад, сәнәғәт һәм ауыл хужалығы торошон үҙ эсенә алыуға ҡарамаҫтан, был юлы төбәк Башлығы үҙенең сығышында мәғарифты, һаулыҡ һаҡлауҙы, фәнде үҫтереүгә, ғаилә институтына булышлыҡ итеүгә баҫым яһаны. Республикалағы һәр кеше көн һайын тап ошо өлкәләр менән осраша. Был тармаҡтарҙағы эштәр граждандарыбыҙҙа айырым ҡыҙыҡһыныу уятыуы ғәжәп түгел. Һуңғы йылдарҙа республикалағы һаулыҡ һаҡлау һәм мәғариф системаларында етди яңылыҡтар булды, әммә был йүнәлештә башҡараһы эштәр байтаҡ әле».

Төбәк Башлығының Дәүләт Йыйылышына йыллыҡ Мөрәжәғәтнамәһе парламенттың закон сығарыу сәйәсәтен һәм Хөкүмәт эшен планлаштырыу өсөн нигеҙ булып тора.

«Мин республика парламенты комитеттары рәйестәренә Мөрәжәғәтнамәнең бөтә тезистарын ентекле өйрәнергә һәм тикшерергә, ҡуйылған эшкә төшөнөргә ҡуштым. Ошо арала мөрәжәғәтнамәнең төп положениеларын тормошҡа ашырыу буйынса саралар планын әҙерләйбеҙ, уға закон сығарыу ҡарарҙары, парламент тыңлауҙары, эшсе төркөмдәр булдырыу, түңәрәк өҫтәлдәр үткәреү, башҡа сараларҙы индереү ҡаралған. Был документты декабрь айында ҡабул итеп, киләһе йылдың тәүге көндәренән үк ошо план буйынса эш башларға ниәтләйбеҙ», — тип һөйләне Константин Толкачев.

Парламент спикеры башҡарма власть һәм урындағы үҙидара органдары, бизнес берләшмәләре вәкилдәре, киң йәмәғәтселек тә Мөрәжәғәтнамәнең тезистарын иғтибарлап өйрәнер тигән ышаныс белдерҙе. Күптәр ошо документты республиканы үҫтереүҙең дөйөм стратегияһы булараҡ ҡабул итә, был Мөрәжәғәтнамәнең һәр тезисын тиҙ арала үҫтереүгә һәм тормошҡа ашырыуға этәргес бирә.

#башҡортостан башлығы мөрәжәғәтнамәһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.