Рәсәй сенаторы Тажикстандағы Башҡортостан уҡытыусыларының тормошон баһаланы

ӨФӨ, 2017 йыл, 14 ноябрь. /«Башинформ» мәғлүмәт агентлығы, Ғәлиә Нәбиева/. Башҡортостан сенаторы Рафаил Зинуров Тажикстанда ватандаштары менән осрашты.

Ведомство-ара эшсе төркөм гуманитар мәғариф проектын тормошҡа ашырыуға мониторинг үткәрҙе. Һүҙ Тажикстандың дөйөм белем биреү мәктәптәрендә эшләүсе Рәсәй уҡытыусылары хаҡында бара. Белгестәр уларҙың төбәктә артабан ҡалыу перспективаларын баһаланы, тип аңлатты сенатор ярҙамсыһы.

Тажикстанға Рәсәй төбәктәренән 29, шул иҫәптән Башҡортостан туғыҙ рус теле һәм әҙәбиәте, математика, информатика, физика, биология, химия уҡытыусыһы юлланған.

Уҡытыусыларҙың командировкаһы – Рәсәй менән Тажикстандың уртаҡ проекты, уның актуаллеге Рәсәй гуманитарияһының ҡатнашыуын һәм Тажикстанда милләт-ара аралашыу саралары булараҡ рус теленең урынын нығытыуға шарт булып тора.

«Беҙ Дүшәнбе, Гиссара, Бустона, Куляба мәктәптәрендә эшләүсе уҡытыусыларыбыҙҙың йәшәү шарттары менән таныштыҡ, дәрестәрендә булдыҡ. Беҙҙең өсөн ватандаштарыбыҙҙың тыуған яҡтан алыҫта үҙҙәрен нисек тойоуон һәм уларҙы үҙ бурыстарын – «изге ниәт илселәре», «белем һәм Рәсәй мәҙәниәте илселәре» миссияһын – сифатлы башҡарыу маҡсатында уңайлы шарттар менән тәьмин итеү өсөн нимә эшләргә кәрәклеген аңлау мөһим, — тип йомғаҡланы Рафаил Зинуров. — Коллегаларыбыҙ, Тажикстан Республикаһы Маджлиси Оли вәкилдәре менән бындай килешеүҙәрҙе дауам итергә һәм үҫтерергә һүҙ бирештек».