Башҡортостан һәм Өфө яңылыҡтары
93.59
+0.15
99.79
+0.07
89.76
-0.34
14+ °C
Болотло
Бөтә яңылыҡтар
Сәйәсәт
10 Октябрь 2017, 16:59

12 октябрҙә Башҡортостанда бюджет проекты буйынса асыҡ тыңлауҙар үткәрелә

ӨФӨ, 2017 йыл, 10 октябрь. /«Башинформ» мәғлүмәт агентлығы, Ғәлиә Нәбиева/. 12 октябрҙә Башҡортостандың Дәүләт Йыйылышы — Ҡоролтай йортонда «2018 йылға һәм 2019-2020 йылдарҙың план осорона Башҡортостан Республикаһы бюджеты тураһында» республика законы проекты буйынса асыҡ тыңлауҙар үткәрелә.
Бюджет проекты тәүге тапҡыр асыҡ тыңлауға сығарыла. Закон проектының тексы республика Дәүләт Йыйылышының рәсми сайтында һәм хоҡуҡи мәғлүмәт интернет-порталында баҫылған.
Асыҡ тыңлауҙарҙа республикала йәшәгән һәр кем ҡатнаша ала. 2-8 октябрҙә тыңлауҙарҙа ҡатнашырға һәм сығыш яһарға теләгән граждандарҙы теркәү булды. Телефон һәм электрон почта аша теркәлергә мөмкин ине. Бынан тыш, теркәү осоронда бюджет тураһында закон проекты буйынса нигеҙле иҫкәрмәләр һәм тәҡдимдәр ҡабул ителде.
Асыҡ тыңлауҙар барышында республиканың финанс министры бюджет проекты менән таныштырасаҡ һәм һорауҙарға яуап бирәсәк. Һуңынан ҡатнашыусыларға һүҙ бирелә.
Читайте нас: