ӨФӨ, 2017 йыл, 24 июль. /«Башинформ» мәғлүмәт агентлығы, Ғәлиә Нәбиева/. Краснодарҙа «Берҙәм Рәсәй»ҙең ҡала мөхитен, илдәге ҡалаларҙың йәмәғәт киңлектәрен төҙөкләндереү мәсьәләләре буйынса
«Ҡала мөхите» форумы эшләй башланы. Башҡортостан делегацияһын төбәк парламенты спикеры Константин Толкачев етәкләне. Унда Өфө мэры Ирек Ялалов, Белорет, Нефтекама, ҡалалары хакимиәттәре, Торлаҡ-коммуналь хужалыҡ министрлығы вәкилдәре проектты тормошҡа ашырыу тәжрибәләре менән уртаҡлашасаҡ. Форумда илдең 85 төбәгенән меңгә яҡын кеше: эксперттар, «Берҙәм Рәсәй»ҙең ҡала мөхитен төҙөкләндереүгә йүнәлтелгән федераль партия проекттары координаторҙары, Дәүләт Думаһы депутаттары, Рәсәй Хөкүмәте, Төҙөлөш һәм торлаҡ-коммуналь хужалыҡ министрлығы, ил субъекттарының башҡарма һәм закон сығарыу властары вәкилдәре, муниципалитет хакимиәттәре башлыҡтары ҡатнаша.