Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Сәйәсәт
18 Июль 2017, 12:48

Гөлнара Вәлиева Өфө хакимиәте башлығы урынбаҫары итеп тәғәйенләнде

Өфө ҡалаһы хакимиәте
Өфө ҡалаһы хакимиәте
ӨФӨ, 2017 йыл, 18 июль. /«Башинформ» мәғлүмәт агентлығы, Галина Бахшиева/. Гөлнара Вәлиева Өфө хакимиәте башлығы урынбаҫары — финанс идаралығы начальнигы итеп тәғәйенләнде. Был хаҡта баш ҡала мэрияһының матбуғат хеҙмәте хәбәр итә.
Гөлнара Ғәлимйән ҡыҙы Вәлиева 1972 йылда Стәрлетамаҡ районының Мырҙаш ауылында тыуған. Бөтә Рәсәй финанс-иҡтисад ситтән тороп уҡыу институтын һәм Башҡортостан Президенты ҡарамағындағы Башҡортостан дәүләт хеҙмәте һәм идара итеү академияһын тамамлаған.
Башҡортостан Республикаһының атҡаҙанған иҡтисадсыһы.
Хеҙмәт эшмәкәрлеген 1990 йылда Стәрлетамаҡ ҡалаһының финанс бүлегендә ревизор-инспектор булып башлап, Стәрлетамаҡ хакимиәте башлығының иҡтисад һәм финанс мәсьәләләре буйынса урынбаҫары — финанс идаралығы етәксеһенә тиклем үрләй. Был вазифала ул 2011 йылдан алып, Өфө хакимиәтенә тәғәйенләнгә ҡәҙәр эшләне.
Бөгөн мэриялағы оператив кәңәшмәлә билдәләүҙәренсә, Гөлнара Вәлиеваның алдына байтаҡ бурыстар ҡуйылған. Уларҙың иң мөһиме — яңы бюджет формалаштырыу, 2018 йылда Өфөнөң именлеге һәм үҫеше тап шуға бәйле.
Читайте нас: