Благовещенда урындағы Советтарға депутатлыҡҡа ете кандидат теркәлгән

ӨФӨ, 2017 йыл, 13 июль. /«Башинформ» мәғлүмәт агентлығы, Ғәлиә Нәбиева/. Благовещенда урындағы үҙидараның вәкиллекле органдарына депутатлыҡҡа кандидаттарҙы теркәү башланды. Территориаль һайлау комиссияһы секретары Наталья Аносова, кандидаттарҙы күрһәтеү тәртибенең тап килеүен, шулай уҡ кандидаттарҙың документтарын, шул иҫәптән һайлаусыларҙың ҡултамғалары менән ҡултамға ҡағыҙҙарын тикшереп, кандидаттарҙы теркәү буйынса тәҡдимдәр индерҙе.

Ете кеше депутатлыҡҡа кандидат булып теркәлгән, шуларҙың алтауһын — «Берҙәм Рәсәй» сәйәси партияһының төбәк бүлексәһе, берәүһе үҙ-үҙен тәҡдим иткән. Муниципалитетта ете депутатлыҡ мандатына дәғүә иткән 24 кандидат күрһәтелгән дә инде. 2017 йылдың 10 сентябрендә Благовещен районы биләмәһендә алты өҫтәмә һайлау кампаниялары буйынса тауыш биреү була.