Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Сәйәсәт
30 Май 2017, 15:32

Дәүләт Йыйылышы Үҙәк һайлау комиссияһының яңы составына кандидаттарҙы билдәләне

ӨФӨ, 2017 йыл, 30 май. /«Башинформ» мәғлүмәт агентлығы, Ғәлиә Нәбиева/. Бөгөн, 30 майҙа, Урындағы үҙидара, гражданлыҡ йәмғиәте институттарын үҫтереү һәм киң мәғлүмәт саралары комитеты ултырышында Башҡортостан Үҙәк һайлау комиссияһының хәл иткес тауышҡа эйә ағзаларын тәғәйенләү өсөн кандидатуралар ҡаралды.
Дәүләт Йыйылышына Башҡортостан Республикаһының Үҙәк һайлау комиссияһына кандидаттар буйынса туғыҙ тәҡдим килде. Улар
— «Газ Охрана Сервис» яуаплылығы сикләнгән йәмғиәтенең генераль директоры Рөстәм Бикмәтов (Башҡортостандың Үҙәк һайлау комиссияһы тәҡдим иткән),
— «Зенит» балалар туризм, тыуған яҡты өйрәнеү, экскурсиялар үҙәге методисы Владимир Гершов («Яблоко» партияһы),
— Башҡортостандың Үҙәк һайлау комиссияһы секретары Марина Долматова (Рәсәйҙең Үҙәк һайлау комиссияһы тәҡдим иткән),
— Башҡортостан махсуслаштырылған адвокаттар коллегияһы советы ағзаһы Игорь Ермолаев («Ғәҙел Рәсәй» партияһы),
— Башҡортостан Профсоюздар федерацияһы аппараты бүлеге мөдире Таһир Закиров,
— Сәғитйән Иҙиәтуллин («Рәсәй коммунистары» партияһы),
— «Берҙәм энергетика системаһының системалы операторы» асыҡ акционерҙар йәмғиәте филиалында әйҙәүсе юрисконсульт Вадим Садиҡов (КПРФ),
— «АртЛекс» адвокаттар коллегияһы адвокаты Елена Суфиянова (Учалы районы советы тәҡдим иткән),
— Рузилә Яҡупова (Рәсәйҙең «Йәшелдәр» экологик партияһы).
Комитет етәксеһе Румиль Аҙнабаев һүҙҙәренсә, бөтә кандидаттар ҙа ҡануниәт талаптарына тап килә. Рейтинг тауыш биреү 14 июндә пленар ултырышта уҙғарыла. Һөҙөмтәлә алты кандидат ҡалырға тейеш.
Читайте нас: