Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Сәйәсәт
16 Май 2017, 07:07

Башҡортостандан сенатор Өфө халҡының социаль проблемаларын контролгә алды

ӨФӨ, 2017 йыл, 16 май. /«Башинформ» мәғлүмәт агентлығы, Ғәлиә Нәбиева/. Башҡортостандан сенатор Лилиә Ғүмәрова торлаҡ шарттарын яҡшыртыуға, эшкә урынлашыуға һәм башҡа мөһим социаль темаларға ҡағылышлы мәсьәләләрҙе үҙ контроленә алды. Федерация Советының Фән, мәғариф һәм мәҙәниәт буйынса комитет рәйесенең беренсе урынбаҫары Өфөлә шәхси һорауҙар буйынса граждандарҙы ҡабул итте.
Осрашыуҙа тәү сиратта социаль һәм гуманитар өлкәләргә ҡағылышлы һорауҙар күтәрелде. Атап әйткәндә, кешеләрҙән дауалауҙың ҡатмарлы технологияларын ҡулланып, балаға медицина ярҙамы күрһәтеү, ижади проекттарҙы тормошҡа ашырыу, китаптарҙы ҡабаттан нәшер итеү, торлаҡ шарттарын яҡшыртыу, эшкә урынлашыу кеүек мөрәжәғәттәр килде.
Лилиә Ғүмәрова билдәләүенсә, төбәк халҡы менән осрашыу йомғаҡтары буйынса ғәйәт ҙур эш башҡарыласаҡ. «Граждандарҙы ҡабул итеү барышында ҡатмарлы һорауҙар яңғыраны. Улар балаларҙың яҙмышына, социаль торлаҡ биреүгә ҡағылды. Мәсьәләләрҙең артында ҡайҙалыр түрәләрҙең вайымһыҙлығы, ҡайҙалыр ғариза биреүсенең хаталы хәл итеү юлын һайлауы тора. Шуға ҡарамаҫтан, сенаторҙарҙың, депутаттарҙың граждандарҙы ҡабул итеүҙәре айырым кешене ишетеү һәм уға ярҙам итергә тырышыу өсөн ойошторолған», — тине парламентарий.
Автор:Ғәлиә Нәбиева