Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Сәйәсәт
6 Апрель 2017, 16:21

13 апрелдә Рөстәм Хәмитов тура эфирҙа республика халҡының һорауҙарына яуап бирә

Олег Яровиков
Олег Яровиков
ӨФӨ, 2017 йыл, 6 апрель. /«Башинформ» мәғлүмәт агентлығы, Әлим Фәйезов/. «Башҡортостан» дәүләт телерадиокомпанияһы республика Башлығы Рөстәм Хәмитовтың төбәк халҡы менән тура бәйләнешен ойошторорға әҙерләнә. Был хаҡта компанияның сайтында хәбәр ителә.
13 апрелдә Өфө ваҡыты буйынса киске сәғәт 7-лә «Башҡортостан Башлығы менән һөйләшеү» тапшырыуын Башҡортостан юлдаш телевидениеһы, «Рәсәй-Башҡортостан», «Бөтә Өфө», «РБК-Өфө» телеканалдарында ҡарарға, «Рәсәй радиоһы Башҡортостан», «Спутник FM» радиостанцияларында тыңларға мөмкин. Бөгөн, 6 апрелдә, уларҙың барыһы ла рәсми сайттарында, телефон буйынса, социаль селтәрҙәрҙә һорауҙар ҡабул итә башланы. Ҡыҙыҡлы тип табылғандары тура эфир ваҡытында республика Башлығына бирелә.
Тура бәйләнеште ойоштороусылар һәм телекомпанияларҙың вәкилдәре быйыл яңы формат вәғәҙәләй. Студияға журналистар ғына түгел, төрлө эшмәкәрлек өлкәһе вәкилдәре лә саҡырыла. Республиканың тораҡ пункттарында махсус майҙансыҡтар булдырыла, унда теләге булған һәр кем Рөстәм Хәмитовҡа һорауын бирә ала, тип хәбәр итә «Башҡортостан» дәүләт телерадиокомпанияһы.
Читайте нас в