Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
4+ °C
Ясна
Бөтә яңылыҡтар
Сәйәсәт
31 Март 2017, 13:41

Мишкә районын йәнә Рөстәм Мусин етәкләне

ӨФӨ, 2017 йыл, 31 март. /«Башинформ» мәғлүмәт агентлығы, Ғәлиә Нәбиева/. Мишкә районы хакимиәте башлығы итеп йәнә Рөстәм Мусин тәғәйенләнде. Ҡарар муниципаль район Советы ултырышында ҡабул ителде. Ултырышта ҡатнашҡан ун өс депутат бер тауыштан Рөстәм Мусинды һайланы. Муниципалитет башлығы 2020 йылдың сентябренә тиклем әлеге вазифаны башҡарасаҡ.
Мишкә районы хакимиәте башлығының вәкәләттәре контракт ваҡыты тамамланыуға бәйле туҡтатылғайны.
Вазифа өсөн конкурста өс кандидат — башлыҡ вазифаһын башҡарыусы Рөстәм Мусин, Мишкә юл ремонт-төҙөлөш идаралығы начальнигы Евгений Кузнецов һәм хакимәттең төҙөлөш бүлеге етәксеһе Вячеслав Шахмадеев ҡатнашты. Һуңынан Евгений Кузнецов үҙ кандидатураһын алды.
Белешмә. Рөстәм Марат улы Мусин 1965 йылда Мишкә районының Иштебай ауылында тыуған.
Башҡортостан ауыл хужалығы институтын (1987), Башҡортостан дәүләт хеҙмәте һәм идара итеү академияһын (1996) тамамлаған. Хеҙмәт юлын «Мишкә» совхозында ветеринар-табип вазифаһында башлаған, һуңынан бригадир һәм Ленин ауыл советы башлығы булған. Мишкә районы хакимиәтендә һәм агросәнәғәт предприятиеларында етәксе вазифаларҙа эшләгән. 2015 йылдың 25 февралендә Мишкә районы хакимиәте башлығы итеп тәғәйенләнгән.
Читайте нас: