Константин Толкачев Европа Советының урындағы һәм төбәк властары конгресында ҡатнашыу өсөн Страсбургка килде

ӨФӨ, 2017 йыл, 28 март. /«Башинформ» мәғлүмәт агентлығы, Ғәлиә Нәбиева/. Башҡортостан Дәүләт Йыйылышы Рәйесе Константин Толкачев Страсбург ҡалаһында Европа Советының урындағы һәм төбәк властары конгресының 32-се пленар сессияһында ҡатнаша. Пленар сессия бөгөн, 28 мартта, асылды, тип хәбәр иттеләр төбәк парламентының матбуғат хеҙмәтендә. Алдағы өс көндә халыҡ-ара кимәлдәге бер нисә мөһим мәсьәләне тикшереү ҡаралған: миграция сәйәсәте, урындағы һәм төбәк кимәлендә һайлау хоҡуғы, Төркиәлә урындағы һайлап ҡуйылған вәкилдәр менән бәйле хәлгә ҡарата факттарҙы билдәләү буйынса миссия, Исландияла урындағы демократия, Эстонияла даими йәшәгән рус телле халыҡтың хоҡуҡтары. Сессия барышында конгресс ағзаларының Германия Федератив Республикаһы делегацияһы менән осрашыуы ҡаралған.