Вьетнам Президенты Башҡортостан делегацияһын ҡабул итте

Башҡортостан Хөкүмәтенең матбуғат хеҙмәте

Сергей Захаров

ӨФӨ, 2017 йыл, 11 ғинуар. /«Башинформ» мәғлүмәт агентлығы, Сергей Захаров/. Вьетнам Президенты Чан Дай Куанг Башҡортостан Хөкүмәте Премьер-министры Рөстәм Мәрҙәнов етәкселегендәге республика делегацияһын ҡабул итте. Осрашыу Ханойҙа президент һарайында үтте.

«Вьетнам сәйәсәт, иҡтисад һәм сауҙа, оборона һәм хәүефһеҙлек, фән һәм мәғариф кеүек өлкәләрҙә Рәсәй һәм илебеҙ ҡалалары менән төрлө яҡлы хеҙмәттәшлеккә ҙур әһәмиәт бирә», — тип билдәләне ил Президенты осрашыу барышында.

Чан Дай Куанг әйтеүенсә, Вьетнам һәм Евразия иҡтисади союзы араһында ирекле сауҙа итеү зонаһы тураһында Килешеүҙең үҙ көсөнә инеүе ике илдең инвесторҙарына тауар әйләнешен үҫтереү өсөн уңайлы шарттар булдыра. Дәүләт башлығы, Рәсәй һәм Башҡортостан предприятиелары Вьетнамда яңы инвестиция проекттарын әҙерләһен, тотороҡло һәм оҙайлы инвестиция эшмәкәрлеге өсөн уңайлы шарттар тыуҙырһын, тигән теләк белдерҙе.

Вьетнам Президенты 2017 йылдың беренсе кварталында Рәсәйгә килергә ниәтләүе хаҡында ла хәбәр итте. Шуның менән бергә Чан Дай Куанг сәфәр барышында Башҡортостанға барыу тәҡдимен хупланы.

Рөстәм Мәрҙәнов Вьетнам менән республика өсөн мөһим булған хеҙмәттәшлек йүнәлештәрен билдәләне, улар араһында сауҙа, сәнәғәт һәм ауыл хужалығы бар. Шулай уҡ ул Вьетнам Хөкүмәтенең Бариа-Вунгтау провинцияһы менән үҙ-ара мөнәсәбәттәрҙе үҫтереү өсөн уңайлы шарттар булдырыуға булышлыҡ итеүҙәрен теләне.

Башҡортостан Башлығы Рөстәм Хәмитов сауҙа-иҡтисади өлкәлә төбәк-ара хеҙмәттәшлекте әүҙемләштереү бурысын ҡуя. Сәфәр барышында Башҡортостан Хөкүмәте менән Бариа-Вунгтау провинцияһының Халыҡ комитеты араһында хеҙмәттәшлек тураһында Килешеүгә ҡул ҡуйыу ҡаралған.

1 из 4

#бр хөкүмәте #халыҡ-ара хеҙмәттәшлек #рәсми сәфәр #вьетнам

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.