Башҡортостан рәсми делегацияһының Вьетнамға сәфәре башланды

Сергей Захаров

ӨФӨ, 2017 йыл, 10 ғинуар. /«Башинформ» мәғлүмәт агентлығы, Сергей Захаров/. 10 ғинуарҙа Башҡортостан Башлығы Рөстәм Хәмитовтың ҡушыуы буйынса республикабыҙ рәсми делегацияһының Вьетнам Социалистик Республикаһына сәфәре башланды.

Уны Башҡортостан Хөкүмәте Премьер-министры Рөстәм Мәрҙәнов етәкләй. Делегация составында вице-премьер Ирек Мөхәмәтдинов, сәнәғәт һәм инновация сәйәсәте министры Алексей Карпухин, Өфө дәүләт нефть техник университеты ректоры Рәмил Бәхтизин, шулай уҡ Вьетнам партнерҙары менән эшҡыуарлыҡ алып барырға ниәтләгән 15 предприятие етәкселәре бар.

Сәфәрҙең тәүге көнөндә Вьетнам премьер-министры урынбаҫары, сауҙа-иҡтисади һәм фәнни-техник хеҙмәттәшлек буйынса Хөкүмәт-ара Рәсәй-Вьетнам комиссияһының Вьетнам өлөшө рәйесе Чинь Динь Зунг менән һөйләшеүҙәр үткәрелә. Рәсәй яғынан комиссияны ил Хөкүмәте рәйесенең беренсе урынбаҫары Игорь Шувалов етәкләй.

Ханойҙа Вьетнамдың Сауҙа-сәнәғәт палатаһы ағзалары менән осрашыуҙар һәм True Milk агросәнәғәт предприятиеһына, Petrovietnam нефть компанияһына барыу күҙаллана.

Көньяҡ Вьетнамдың Бариа-Вунгтау провинцияһында Башҡортостан Хөкүмәте менән Бариа-Вунгтау провинцияһының Халыҡ комитеты араһында хеҙмәттәшлек тураһындағы килешеүгә ҡул ҡуйыла.

2016 йылдың октябрендә Өфөлә Башҡортостан Башлығы Рөстәм Хәмитовтың Вьетнам Социалистик Республикаһының Рәсәйҙәге Ғәҙәттән тыш һәм тулы хоҡуҡлы илсеһе Нгуен Тхань Шон етәкселегендәге Вьетнамдың рәсми делегацияһы менән осрашыуы ошо сәфәрҙе ойоштороу өсөн мөһим стимул булды. Тап шул саҡта Башҡортостандың Бариа-Вунгтау провинцияһы менән хеҙмәттәшлеге тураһында килешеү проекты әҙерләнде.

«Вьетнам эшҡыуарлығы менән мөнәсәбәттәребеҙ әүҙемләштереүҙе талап итә. Бөгөн тауар әйләнеше ҙур түгел — 15 миллион доллар. Вьетнамдан бер нәмә лә һатып алмайбыҙ тиерлек, – тип билдәләне Рөстәм Хәмитов. — Тәьминәт күләмен арттырыу зарур. Бының өсөн мөмкинлектәр бар. Беҙгә берлектәге производстволар, инвестициялар кәрәк».

#бр хөкүмәте #халыҡ-ара хеҙмәттәшлек #рәсми сәфәр #вьетнам

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.