Четверг, 30 Апреля 2026

Уфа

+7 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

12:07 (UTC+5), 11 Ноября 2016

Михаил Закомалдин Башҡортостан буйынса Баш федераль инспектор итеп тәғәйенләнде

Олег Яровиков

IMPORT Сервисный

ӨФӨ, 2016 йыл, 11 ноябрь. /«Башинформ» мәғлүмәт агентлығы, Арина Рәхимҡолова/. Рәсәй Президентының Волга буйы федераль округындағы тулы хоҡуҡлы вәкиле Михаил Бабичтың бойороғо менән Михаил Закомалдин Башҡортостан буйынса Баш федераль инспектор итеп тәғәйенләнде.

Михаил Закомалдинды Баш федераль инспектор итеп тәғәйенләү – көтөлгән ваҡиға, тип билдәләне Башҡортостан Башлығы Рөстәм Хәмитов.

«Тиҙҙән Михаил Ивановичтың республикала емешле эшләүенә биш йыл тула. Уның бурыстарына йәмәғәт тәртибе, Өфө, ҡала һәм ауыл урамдарында тәртип урынлаштырыу, шулай уҡ Эске эштәр министрлығының матди-техник базаһын нығытыу мәсьәләләре инеүен беләбеҙ. Беҙ бергәләп эшләнек, ҡалаларҙа һәм муниципалитеттарҙа бер нисә яңы, заманса йыһазландырылған идаралыҡтарҙы файҙаланыуға тапшырҙыҡ. Ошо йүнәлештәге эште артабан да дауам итәсәкбеҙ. Беҙ шәхси составҡа, хәрби хәрәкәттәр һөҙөмтәһендә зыян күргәндәргә ярҙам итеү өсөн тырыштыҡ. Бер һүҙ менән әйткәндә, республикабыҙҙы үҫтереүгә йүнәлтелгән күп яҡлы эш алып барылды», — тине төбәк Башлығы.

Быға тиклем Башҡортостан буйынса Баш федераль инспектор вазифаһын Андрей Чечеватов биләне. 2016 йылдың сентябрендә ул Рәсәй Президентының Волга буйы федераль округындағы тулы хоҡуҡлы вәкиле урынбаҫары итеп тәғәйенләнде.

Михаил Иванович Закомалдин 1965 йылдың 5 сентябрендә Ҡурған өлкәһендә тыуған. 1982 йылда эске эштәр органдарында хеҙмәтен СССР Эске эштәр министрлығының Омск ҡалаһындағы юғары милиция мәктәбендә тыңлаусы булып башлаған. Уҡыуын тамамлағас, Ҡурған ҡалаһының Совет районы эске эштәр бүлегенең енәйәтте тикшереү бүлеге оперуполномоченныйы вазифаһына тәғәйенләнгән. Уның артабанғы хеҙмәт юлы криминаль милиция менән бәйле.

2007 йылдың авгусында Карелия Республикаһы буйынса эске эштәр министрының беренсе урынбаҫары, криминаль милиция начальнигы итеп тәғәйенләнгән. 2009 йылдың майынан — Карелия буйынса эске эштәр министры.

Рәсәй Президентының 2011 йылдың 26 июлендәге Указы менән Башҡортостан буйынса эске эштәр министры итеп тәғәйенләнгән.

1 из 9

#тәғәйенләүҙәр #баш федераль инспектор #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.