Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
11+ °C
Болотло
Бөтә яңылыҡтар
Сәйәсәт
25 Октябрь 2016, 17:44

Башҡортостан Йәмәғәт палатаһы проекттары федераль кимәлдә ҡыҙыҡһыныу тыуҙыра — Рәмзил Ишһарин

Олег Яровиков
Олег Яровиков
ӨФӨ, 2016 йыл, 25 октябрь. /«Башинформ» мәғлүмәт агентлығы, Ғәлиә Нәбиева/. Яңы саҡырылыш Дәүләт Думаһы депутаттарының Башҡортостан Йәмәғәт палатаһы менән үҙ-ара эш итеүе Дмитрий Медведевтың Өфөләге ҡабул итеү бүлмәһендә парламентарийҙар һәм гражданлыҡ йәмғиәте вәкилдәренең осрашыуында төп тема булды. Думаның Йәмәғәт берекмәләре һәм дини ойошмалар буйынса комитеты ағзаһы Рәмзил Ишһарин Башҡортостандың Йәмәғәт палатаһы етәксеһе Ольга Панчихина һәм йәмәғәт контроле буйынса комиссия етәксеһе Ғәлиә Мөхәмәтйәнова менән республикала гражданлыҡ йәмғиәтен үҫтереү буйынса сараларҙы тикшерҙе.
Эксперттар йәмәғәт контроле тураһында федераль законды камиллаштырыу буйынса тәҡдимдәр индерҙе.
«Мин Йәмәғәт берекмәләре һәм дини ойошмалар буйынса комитетты аңлы рәүештә һайланым. Беҙ ил һәм төбәктәр буйынса гражданлыҡ йәмғиәте менән тығыҙ бәйләнеш булдырасаҡбыҙ, — тип һөйләне әңгәмә йомғаҡтары буйынса Рәмзил Ишһарин. — Беҙҙең йәмәғәт палатаһы гражданлыҡ йәмғиәте һәм ябай кешеләрҙең мәнфәғәттәре өсөн эшләй. Закон проекттарына экспертиза һәм йәмәғәт контроле буйынса ҙур эш алып барыла, һәм ошо йәһәттән уртаҡ фекергә киләсәкбеҙ».
Халыҡтың закон сығарыу башланғыстарын нисек ҡабул итеүен аңлау, гражданлыҡ йәмғиәте институттарының үҙ-ара эш итеүен күреү мөһим, тип һыҙыҡ өҫтөн алды парламентарий.
Республикала федераль саралар уҙғарырға мөмкин, тип иҫәпләй Рәмзил Ишһарин.
«Киләсәктә республикабыҙ Дәүләт Думаһы комитетының күсмә ултырышы өсөн майҙансыҡҡа әүереләсәк. Бында Йәмәғәт палатаһы һәм комитет сиктәрендә бергә алып барылған дискуссия саралары өсөн темалар бар», — тине депутат.
Читайте нас: