Четверг, 16 Апреля 2026

Уфа

+11 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

06:02 (UTC+5), 05 Августа 2016

Рөстәм Хәмитов «Берҙәм Рәсәй» төбәк бүлексәһенең әүҙем ағзалары менән осрашты

Олег Яровиков

IMPORT Сервисный

ӨФӨ, 2016 йыл, 5 август. /«Башинформ» мәғлүмәт агентлығы, Арина Рәхимҡолова/. Башҡортостан Башлығы Рөстәм Хәмитов Өфөлә «Берҙәм Рәсәй» партияһы төбәк бүлексәһенең әүҙем ағзалары менән осрашты. Сарала Өфө һәм Өфө районының меңгә яҡын партия ағзаһы ҡатнашты. Унда «Берҙәм Рәсәй»ҙең төбәк бүлексәһе секретары, Башҡортостан Дәүләт Йыйылышы рәйесе Константин Толкачев, партияның төбәк башҡарма комитеты етәксеһе Рәмзил Ишһарин һәм ҡала хакимиәте башлығы Ирек Ялалов сығыш яһаны.

Хәҙер, һайлауға тиклем айҙан ашыу ваҡыт ҡалғас, әүҙем эшләү һәм партия идеяларын алға һөрөү өсөн хәл иткес мәл етте, тип һыҙыҡ өҫтөнә алды төбәк Башлығы. Көслө конкуренция шарттарында һайлаусыларҙың власҡа мөнәсәбәтен белеү мөһим.

«Республика власы булған проблемаларҙы таный һәм уларҙы хәл итеү юлдарын эҙләй. Беҙ тәнҡиттән ҡурҡмайбыҙ, конструктив ҡарарҙар өсөн асыҡбыҙ. Бурысыбыҙ — йәмғиәтте туплау, тәү сираттағы бурыстарҙы хәл итеү өсөн мөмкин тиклем күберәк кешене йәлеп итеү. Мин ошо залда үтә ҡатмарлы мәсьәләләрҙе хәл итеү менән шөғөлләнеүселәрҙе күрәм», — тине Рөстәм Хәмитов.

«Берҙәм Рәсәй» партияһының етди ҡаҙаныштары бар, тип билдәләне республика етәксеһе. Уның 40-тан ашыу проекты уңышлы үтәлә. «Реаль эштәр» проекты быға сағыу миҫал булып тора, уның барышында былтыр граждандарҙың 900-ҙән ашыу башланғысы тормошҡа ашырылған. Рөстәм Хәмитов киләһе йылда республика, ҡала бюджеты һәм граждандар ҡатнашлығындағы ихата һәм йорт яны биләмәләрен ремонтлау программаһына кире ҡайтырға тәҡдим иттте.

«Партия бөтә иғтибарын халыҡ менән эшләүгә йүнәлтергә тейеш. «Кешеләр өсөн эшләргә» лозунгы бер ҡасан дә үҙенең әһәмиәтен юғалтмаясаҡ. Бындай эште һайлау алдынан ғына түгел, һәр ваҡыт башҡарырға кәрәк. Партияның яуаплылығы аныҡ, ҡасаба, ҡала, республика кимәлендәге реаль эштәр аша сағыла», — тине Рөстәм Хәмитов.

Төбәк етәксеһе 2019 йылда Башҡортостан Республикаһы ойошторолоуҙың 100 йыллығын билдәләү уңайынан йөҙ яңы объект төҙөргә тәҡдим итте.

Залда ултырыусыларҙың барыһы ла — ҙур команданың бер өлөшө, тине Рөстәм Хәмитов. Берләшкән осраҡта ғына «Берҙәм Рәсәй»ҙең бөтә ағзалары һайлаусыларҙың наказдарын үтәй ала.

1 из 12

#бр башлығы #берҙәм рәсәй #партиялар #һайлауҙар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.