Үҙәк һайлау комиссияһы республика Дәүләт Йыйылышы депутаттарын өҫтәмә һайлау тәғәйенләне

Олег Яровиков

ӨФӨ, 2016 йыл, 20 июнь. /«Башинформ» мәғлүмәт агентлығы, Ғәлиә Нәбиева/. Башҡортостандың Үҙәк һайлау комиссияһы Башҡортостан Республикаһының бишенсе саҡырылыш Дәүләт Йыйылышы — Ҡоролтай депутаттарын өҫтәмә һайлау тәғәйенләне. 2-се Инорс һайлау округы һәм 19-сы Нарыш һайлау округы буйынса ике мандат алмаштырыла. Ҡарар республиканың Үҙәк һайлау комиссияһы башлығы Хәйҙәр Вәлиев рәйеслегендәге ултырышта ҡабул ителде.

Иҫегеҙгә төшөрәбеҙ, өҫтәмә һайлау Илдус Сәрүәров һәм Александр Артюховтың вәкәләттәрен ваҡытынан алда туҡтатыуға бәйле.

Илдус Сәрүәров — «Берҙәм Рәсәй» сәйәси партияһынан. 19-сы Нарыш бер мандатлы һайлау округы буйынса һайланған. Быйыл 19 апрелдә уның вәкәләттәре туҡтатылды.

Башҡортостан Дәүләт Йыйылышы депутаты, Бюджет, һалым, инвестиция сәйәсәте һәм территориаль үҫеш комитеты ағзаһы Александр Артюхов депутатлыҡ вәкәләттәрен ваҡытынан алда туҡтатыу тураһында ҡарар ҡабул итте. Ҡарар 24 мартта Дәүләт Йыйылышының пленар ултырышында ҡабул ителде.

Үҙәк һайлау комиссияһы Өҫтәмә һайлауҙарҙы үткәреү буйынса сараларҙың календарь планын раҫланы. Округ һайлау комиссияларының вәкәләттәре Өфөнөң Калинин районы һәм Октябрьский ҡалаһының территориаль һайлау комиссияларына йөкмәтелде.

Теги:башҡортостан үҙәк һайлау комиссияһы һайлауҙар башҡортостан дәүләт йыйылышы

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».