Республикала 80 магазин «Берҙәм Рәсәй»ҙең «Изгелек кәрзине» проектына ҡушылды

«Берҙәм Рәсәй» партияһы төбәк башҡарма комитетының матбуғат хеҙмәте

IMPORT Сервисный

ӨФӨ, 2016 йыл, 13 май. /«Башинформ» мәғлүмәт агентлығы, Ғәлиә Нәбиева/. Бөгөн «Берҙәм Рәсәй» партияһы ағзалары «Изгелек кәрзине» проектына старт бирҙе. «Комсомольская правда» гәзите редакцияһында быйыл яҙ башланған дүрт партия башланғыстарының береһе менән таныштырыу сараһы уҙҙы. Унда депутаттар корпусы, ветеран ойошмалары вәкилдәре, ирекмәндәр ҡатнашты.

13 апрелдә партияның төбәк бүлексәһе секретары Константин Толкачев журналистарға «Изгелек кәрзине» тип аталған проект әҙерләүҙәре хаҡында һөйләне.

«Изгелек кәрзине» республикалағы ҙур магазиндарға ҡуйыла. Һәр кем мәрхәмәтлек күрһәтеү һәм боҙолмай торған аҙыҡ-түлек һалыу мөмкинлегенә эйә. Һуңынан улар мохтаждарға таратып биреләсәк, — тип аңлатма бирҙе төбәк парламенты спикеры. — Проект тәү сиратта социаль яҡтан яҡланмаған кешеләргә ярҙам итеүгә йүнәлтелгән».

Халыҡтың ошо башланғысҡа нисек ҡарауын тикшереү өсөн Өфөләге ике магазинда (Октябрь проспекты,124 һәм Чернышевский урамы, 127) махсус кәрзиндәр һәм реклама плакаттары ҡуйылды. Баш ҡалала йәшәүселәр уны дәррәү күтәреп алды.

Бер ай үткәс, 13 майҙа, «Берҙәм Рәсәй»ҙән Дәүләт Думаһы депутаты Зөһрә Рәхмәтуллина проект менән таныштырыу сараһын үткәрҙе. Акцияла бөтә республика буйынса 80 магазин ҡатнаша. Улар — «Батыр» компаниялар төркөмөнөң сауҙа селтәрҙәре («Байрам», «Һабантуй», «Икмәк» магазиндары), «Ярмарка» магазиндар селтәре, «Матрица» һәм башҡалар.

Өфөләге сауҙа селтәрҙәрендә 20 кәрзин ҡуйылған да инде. Бөгөн ҡалған 60-ы республика ҡала һәм райондарына ебәрелә. Партияның төбәк башҡарма комитеты етәксеһе урынбаҫары Александр Самсонов һөйләүенсә, Стәрлетамаҡтан, Салауаттан, Нефтекаманан ҡаланың төрлө урындарында өҫтәмә «кәрзиндәр» урынлаштырыу тураһында тәҡдимдәр килгән.

«Әлеге акцияның үҙенсәлеге шунда: ул сауҙа селтәрҙәре һәм хәйриә ойошмаларында ғына тормошҡа ашырылмай, ә республика кимәленә сыға. Бындай проект тәүге тапҡыр ғәмәлгә ашырыла һәм уның ваҡыты сикләнмәҫ, тип ышанабыҙ», — тине Зөһрә Рәхмәтуллина.

#берҙәм рәсәй #«изгелек кәрзине»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.