Понедельник, 11 Мая 2026

Уфа

+8 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:41 (UTC+5), 29 Апреля 2016

Михаил Бабич һәм Рөстәм Хәмитов Октябрьский ҡалаһында булды

Олег Яровиков, Башҡортостан Башлығының матбуғат хеҙмәте

IMPORT Сервисный

ӨФӨ, 2016 йыл, 29 апрель. /«Башинформ» мәғлүмәт агентлығы, Александр Смирнов/. 28 апрелдә Рәсәй Президентының Волга буйы федераль округындағы тулы хоҡуҡлы вәкиле Михаил Бабич һәм Башҡортостан Башлығы Рөстәм Хәмитов Октябрьский ҡалаһында булды. Бында төбәктәге муниципаль берәмектәрҙең социаль-иҡтисади үҫешенә арналған кәңәшмә уҙҙы, унда муниципалитет етәкселәре ҡатнашты.

Кәңәшмәлә байтаҡ мәсьәләләр тикшерелде. Атап әйткәндә, һүҙ торлаҡ-коммуналь хужалыҡты үҫтереү, ер-мөлкәт мөнәсәбәттәре, юлдар, торлаҡ һәм социаль инфраструктура объекттарын төҙөү, агросәнәғәт комплексын үҫтереү, Рәсәй Президентының «май» указдарын үтәү хаҡында барҙы. Тикшереүҙең күп өлөшөн халыҡты медицина хеҙмәтләндереүе мәсьәләләре тәшкил итте. Рәсәй Президентының Волга буйы федераль округындағы тулы хоҡуҡлы вәкиле билдәләүенсә, әлеге тема мөһим проблемаларҙың береһе булып тора һәм халыҡ быға ҙур ризаһыҙлыҡ белдерә.

Кәңәшмә башланыр алдынан Михаил Бабич һәм Рөстәм Хәмитов Октябрьскийҙың 1-се ҡала дауаханаһын ҡараны. 2015 йылда бында 80 койка-урынға иҫәпләнгән заманса район-ара перинаталь үҙәк асылды. Ул инфекциялы ҡатын-ҡыҙҙар өсөн бала табыу залдары, яңы тыуған сабыйҙар реанимацияһы, интенсив терапия палаталары менән йыһазландырылған. Рәсәй Президентының тулы хоҡуҡлы вәкиле һәм төбәк Башлығы тиҙ медицина ярҙамы бригадаһының эше менән дә танышты.

Республика Һаулыҡ һаҡлау министрлығы етәкселеге менән аралашыу ваҡытында кадрҙар тәьминәте һәм матди-техник йыһазландырыу мәсьәләләре тикшерелде.

Был көндә Михаил Бабич һәм Рөстәм Хәмитов ҡаланың ҙур предприятиеларының береһе – «Альтернатива» пластмасса изделиелар заводында булды. Завод илдә пластмасса тауарҙар етештереү буйынса ҙур предприятие һанала. Улар етештереү процесы менән танышты һәм предприятие етәкселәре менән импортты алмаштырыу, әҙер продукцияны экспортлау мәсьәләләрен тикшерҙе.

Октябрьскийҙа үткән саралар йомғаҡтары буйынса биләмәләрҙең социаль-иҡтисади үҫешенең мөһим проблемалары асыҡланды, яҡын арала улар дәүләт власының федераль һәм төбәк органдары менән берлектә Рәсәй Президентының Волга буйы федераль округындағы тулы хоҡуҡлы вәкиле аппараты тарафынан эшкәртеләсәк.

1 из 10

#һаулыҡ һаҡлау #волга буйы федераль округы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.