Рөстәм Хәмитов муниципаль хеҙмәткәрҙәрҙе һәм депутаттарҙы Урындағы үҙидара көнө менән ҡотланы

Олег Яровиков

IMPORT Сервисный

ӨФӨ, 2016 йыл, 22 апрель. /«Башинформ» мәғлүмәт агентлығы, Александр Смирнов/. 21 апрелдә Өфөлә Башҡортостан Башлығы Рөстәм Хәмитов Урындағы үҙидара көнөнә арналған тантаналы сарала сығыш яһаны. Республика етәксеһе муниципаль хеҙмәткәрҙәрҙе һәм депутаттарҙы байрам менән ҡотланы һәм «Башҡортостандың иң яҡшы муниципаль берәмеге» конкурсы лауреаттарына наградалар тапшырҙы.

– Күптәрегеҙ иртә таңдан ҡара кискә ҡәҙәр урамдарҙы төҙөкләндереү, юлдарҙы ремонтлау, тәбиғәтте һаҡлау, хәүефһеҙлекте тәьмин итеү кеүек мөһим мәсьәләләрҙе хәл итә. Кешеләр һеҙгә төрлө һорауҙар менән килә, – тине Рөстәм Хәмитов. – Бөгөн дәүләт власы һәм урындағы үҙидара органдары халыҡтың ышанысын аҡлай икән, бында һеҙҙең – урындағы үҙидара хеҙмәткәрҙәренең, депутаттарҙың роле ҙур. Көн һайын кешеләр менән аралашыу, ҡаланың һәм ауылдың аныҡ проблемаларын белеү, уларҙы хәл итеү – быларҙың барыһы ла һеҙҙең төп эшегеҙ.

Төбәктә иҡтисади тотороҡлоҡ һәм бюджет тигеҙлеге һаҡлана, тип билдәләне республика Башлығы. 2016 йылдың 1 майынан бюджеттан тыш секторҙа минималь хеҙмәт хаҡы күләме арта.

– Төп бурысыбыҙ – урындарҙа иҡтисади һәм социаль сәйәсәтте нығытыу, муниципалитеттарҙың үҙаллылығын киңәйтеү, халыҡтың муниципаль программаларҙы һәм проекттарҙы тормошҡа ашырыуҙа ҡатнашыуын тәьмин итеү, – тип билдәләне төбәк етәксеһе.

Рөстәм Хәмитов һуңғы ике йылда Урал аръяғындағы ете районда ғәмәлгә ашырылған урындағы башланғыстарға ярҙам итеү программаһын миҫалға килтерҙе. Республика һәм муниципаль бюджет аҡсаһынан тыш, кешеләр үҙ аҡсаһын да һала, эшҡыуарлыҡ ресурстары йәлеп ителә. Ике йыл эсендә 88 ауылда балалар һәм спорт майҙансыҡтары төҙөү, урамдарҙы яҡтыртыу, һыу менән тәьмин итеү, юлдар һәм күперҙәр һалыу, ҡаты көнкүреш ҡалдыҡтары полигоны төҙөү һәм башҡа йүнәлештәр буйынса 168 проект тормошҡа ашырылған. Бындай тәжрибәне бөтә республикаға таратыу күҙаллана.

Сығыштың тулы стенограммаһы һәм еңеүселәрҙең исемлеге республика Башлығының рәсми сайтында баҫылған.

1 из 8

#урындағы үҙидара #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.