Республикала Урындағы үҙидара көнө билдәләнә

Олег Яровиков

IMPORT Сервисный

ӨФӨ, 2016 йыл, 21 апрель. /«Башинформ» мәғлүмәт агентлығы, Арина Рәхимҡолова/. 21 апрелдә Башҡортостанда, бөтә илдәге кеүек үк, муниципалитеттар һөнәри байрамын билдәләй.

2012 йылдың 10 июнендә Рәсәй Президенты Владимир Путин яңы байрам булдырыу тураһындағы Указға ҡул ҡуйҙы. Яңы дата календарға «урындағы үҙидара институтының ролен һәм әһәмиәтен арттырыу, демократияны һәм гражданлыҡ йәмғиәтен үҫтереү маҡсатында» индерелә, тиелә был документта. Дата осраҡлы һайланмаған. 21 апрель — 1785 йылда ҡалаларға Екатерина II ҡул ҡуйған Хоҡуҡ грамотаһын баҫтырыу көнө. Грамота Рәсәйҙә урындағы үҙидара тураһындағы ҡануниәтте үҫтереүгә башланғыс һалған.

1917 йылдағы революциянан һуң үҙидара идеяһы 1980 йылдар аҙағына тиклем онотола. 1993 йылда ҡабул ителгән Рәсәй Конституцияһы урындағы үҙидараның үҙаллылығын нығыта. Уны реформалау һәм үҫтереү бөгөн дә дауам итә.

Әлеге ваҡытта республикала яҡынса 900 муниципаль берәмек, шул иҫәптән туғыҙ ҡала округы һәм 54 муниципаль район иҫәпләнә. Бөгөн «Башҡортостандың иң яҡшы муниципаль берәмеге» конкурсы лауреаттары лайыҡлы наградаларын аласаҡ. Был бәйгенең маҡсаты — урындағы үҙидараны ыңғай ҡабул итеүҙе үҫтереү, ҡыҙыҡлы тәжрибәне асыҡлау, иң яҡшы муниципаль берәмектәргә һәм уларҙың етәкселәренә ярҙам күрһәтеү.

#иҫтәлекле даталар #урындағы үҙидара

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.