Башҡортостан федераль ҡаҙнанан субсидия алыуға Рәсәй төбәктәре араһында беренсе урында тора

Олег Яровиков

IMPORT Сервисный

ӨФӨ, 2016 йыл, 21 апрель. /«Башинформ» мәғлүмәт агентлығы/. Башҡортостан «Рәсәй милләтенең берҙәмлеген нығытыу һәм халыҡтарҙың этномәҙәни үҫеше (2014-2020 йылдар)» федераль маҡсатлы программаһы сиктәрендә Рәсәй субъекттары бюджеттарына федераль ҡаҙнанан субсидия бүлеү өсөн төбәк маҡсатлы программаларын һайлап алыу йомғаҡтары буйынса ил төбәктәре араһында алдынғы урынды биләй. Ошо хаҡта мәғлүмәт Милләттәр эше буйынса федераль агентлыҡтың сайтында бирелгән.

Бөтәһе 68 субъекттың ғаризалары ҡаралған һәм төбәк программаларының дөйөм рейтингы төҙөлгән. Федераль комиссияның эш йомғаҡтары буйынса Башҡортостан Севастополь, Владимир һәм Свердловск өлкәләре менән бер рәттән тәүге дүрт төбәк иҫәбенә инде.

Башҡортостанда дәүләт милли сәйәсәте мәсьәләләренә ҙур иғтибар бүленә. Быйыл апрель айында Өфөгә сәфәре барышында Рәсәйҙең Милләттәр эше буйынса федераль агентлыҡ етәксеһе Игорь Баринов республикала этноконфессия өлкәһендәге мөнәсәбәттәрҙең тотороҡло булыуын билдәләне. «Күреүебеҙсә, кешеләрҙең күпселеге милли йәки дини яҡтан ҡыҫым тоймай. Ул элек-электән шулай килә. Бында Башҡортостан халыҡтарҙың үҙ-ара дуҫ йәшәүе, республика властарының ошо йүнәлештә нисек эшләүе йәһәтенән миҫал булып тора», — тип һыҙыҡ өҫтөнә алды федераль чиновник.

«Рәсәй милләтенең берҙәмлеген нығытыу һәм халыҡтарҙың этномәҙәни үҫеше (2014-2020 йылдар)» федераль маҡсатлы программаһын тормошҡа ашырыу сиктәрендә йыл һайын Рәсәйҙең Милләттәр эше буйынса федераль агентлығы төбәк маҡсатлы программаларын ғәмәлгә ашырыу өсөн Рәсәй субъекттары бюджеттарына федераль ҡаҙнанан субсидия бүлә. Программалар гражданлыҡ-ватансылыҡ, гражданлыҡ берҙәмлеген булдырыуға һәм нығытыуға, шулай уҡ Рәсәй халыҡтарының этномәҙәни үҫешенә йүнәлтелгән йәмәғәт башланғыстарына һәм сараларға ярҙам итеүҙе күҙ уңында тота.

#милли сәйәсәт #субсидиялар #этномәҙәни үҫеш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.