Рөстәм Хәмитов Башҡортостан буйынса Эске эштәр министрлығы коллегияһында сығыш яһаны

Башҡортостан Башлығының матбуғат хеҙмәте

IMPORT Сервисный

ӨФӨ, 2016 йыл, 26 ғинуар. /«Башинформ» мәғлүмәт агентлығы, Александр Смирнов/. Башҡортостан Башлығы Рөстәм Хәмитов Башҡортостан буйынса Эске эштәр министрлығы коллегияһының киңәйтелгән ултырышында сығыш яһаны. Ул полицияның былтырғы оператив-хеҙмәт эшмәкәрлеге йомғаҡтарына һәм киләһе осорға билдәләнгән бурыстарға арналды.

Рөстәм Хәмитов эске эштәр органдары хеҙмәткәрҙәренә ШОС һәм БРИКС саммиттарын үткәреү ваҡытында тәртип һаҡлауҙы яҡшы ойошторғандары өсөн рәхмәт белдерҙе.

– Сит ил делегациялары, эшҡыуарлыҡ вәкилдәре, мәҙәниәт һәм фән эшмәкәрҙәре, туристар хәүефһеҙ төбәктәргә генә килә һәм улар менән хеҙмәттәшлек итә. Был йәһәттән Башҡортостан юғары талаптарға тап килә, – тине төбәк Башлығы. – Дөйөм алғанда, юғары планка – Башҡортостандың «визит карточкаһы» ул. Ауырлыҡтарға ҡарамаҫтан, былтыр республика яҡшы һөҙөмтәләргә өлгәшә алыуын күрһәтте.

Республика буйынса Эске эштәр министрлығы алдында торған бурыстар хаҡында һөйләгәндә төбәк етәксеһе уларҙың кешеләр өсөн эшләргә тигән маҡсаттан сығып ҡуйылыуын билдәләне.

– Беҙ бөтә өлкәләрҙә лә законлылыҡты һаҡлауҙы тәьмин итергә һәм республика халҡының мәнфәғәттәрен яҡларға, ҡала, ауыл урамдарында социаль тотороҡлоҡто, тәртип һаҡлауҙы һәм именлекте нығытырға, иҡтисади, эшҡыуарлыҡ һәм башҡа эшмәкәрлектә кешенең хоҡуҡтарын ҡыҫыуға юл ҡуймаҫҡа тейешбеҙ. Бында беҙ бер командала эшләйбеҙ, – тине Рөстәм Хәмитов. – Ҡабул ителгән ҡарарҙарҙы һәм пландарҙы тормошҡа ашырыу, халыҡтың власҡа, дәүләткә ышанысын нығытыу күп осраҡта һеҙгә – тәртип һаҡлау органдары хеҙмәткәрҙәренә бәйле.

Республика Башлығы терроризмға һәм экстремизмға ҡаршы көрәш, енәйәттәрҙе иҫкәртеү, юл хәрәкәте хәүефһеҙлеге өлкәһендә эш һөҙөмтәлелеген арттырыу, иҡтисад өлкәһендәге һәм кибер-енәйәттәрҙе бөтөрөү хоҡуҡ һаҡлау органдары эшмәкәрлегенең төп йүнәлештәре булыуын билдәләне.

#хоҡуҡ #эске эштәр министрлығы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.