IV Бөтә донъя башҡорттары ҡоролтайы төбәк халҡын берләштереүгә йүнәлтелгән — Зөһрә Рәхмәтуллина

IMPORT Сервисный

ӨФӨ, 2015 йыл, 20 ноябрь. /«Башинформ» мәғлүмәт агентлығы, Ғәлиә Нәбиева/. Башҡортостан халыҡтары ассамблеяһы IV Бөтә донъя башҡорттары ҡоролтайында ҡатмарлы геосәйәси шарттарҙа башҡорттарҙы ғына түгел, төбәк халыҡтарын берләштереүгә йүнәлтелгән етди ҡарарҙар ҡабул итеүҙәрен көтә. Башҡортостан халыҡтары ассамблеяһы рәйесе Зөһрә Рәхмәтуллина күләмле форум алдынан ошо хаҡта белдерҙе.

Зөһрә Рәхмәтуллина фекеренсә, Бөтә донъя башҡорттары ҡоролтайы мәҙәниәтте, телде, тарихи хәтерҙе һаҡлауға, лайыҡлы йәш быуын тәрбиәләүгә, экологик, демографик проблемаларҙы хәл итеүгә ҙур өлөш индерә. Делегаттар башҡорттарҙың, шулай уҡ республикала йәшәүсе башҡа халыҡтарҙың да яҙмышына ҡағылышлы мәсьәләләрҙе ҡарай.

«Йәмғиәттәге әхлаҡи һәм психологик мөхит күп осраҡта төп халыҡтың үҙенә булған мөнәсәбәтенә бәйле», — тип ышана парламентарий.

Ассоциация етәксеһе ҡоролтайға етди әҙерлек алып барылыуы хаҡында һөйләне. Республиканың барлыҡ райондарында һәм башҡорттар күпләп йәшәгән урындарҙа делегаттар һайланған, улар ошо йыйында сығарылған ҡарарҙарҙы яҡташтарына еткерәсәк.

«Форумға Рәсәй халыҡтары ассамблеяһы рәйесе Светлана Смирнованың килеүен көтәбеҙ. Федерация кимәлендә күп һанлы ассамблеяларҙың эшмәкәрлеген ойоштороусы кешенең беҙҙең съезда ҡатнашыуы — яҡшы билдә», — тип иҫәпләй Зөһрә Рәхмәтуллина.

Республика халыҡтары ассамблеяһы форумдың резолюция проектына индереү өсөн аныҡ тәҡдимдәр ебәргән. Был саралар башҡорт халҡын үҫтереүгә генә түгел, күп милләтле Башҡортостан халҡын берләштереүгә йүнәлтелгән. Атап әйткәндә, «Урал батыр вариҫтары» йәштәр форумын, Милли кейем көнө, Башҡорт теле көнөн үткәрергә тәҡдим ителә.

#бөтә донъя башҡорттары ҡоролтайы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.