Дүшәмбе, 25 Май 2026

Өфө

+29 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Сәйәсәт

05:37 (UTC+5), 19 Октябрь 2015

Рөстәм Хәмитов Башҡортостандың йәш депутаттары форумында сығыш яһаны

Олег Яровиков

IMPORT Сервисный

ӨФӨ, 2015 йыл, 19 октябрь. /«Башинформ» мәғлүмәт агентлығы, Александр Смирнов/. 16 октябрҙә Өфөләге Конгресс-холда Башҡортостан Башлығы Рөстәм Хәмитов республиканың йәш депутаттары форумында сығыш яһаны, шулай уҡ муниципалитеттарҙың социаль инфраструктураһын үҫтереү тураһында һорауҙарға яуап бирҙе.

– Йәш депутаттарҙы тормоштарындағы мөһим ваҡиға менән ҡотлайым һәм тырышып эшләүҙәрен теләйем, – тип мөрәжәғәт итте Рөстәм Хәмитов форумда ҡатнашыусыларға. – Бөгөн беҙҙә 1 250 йәш депутат иҫәпләнә. Сентябрҙә үткән һайлауҙа 1 110 йәш депутат һайланды. Был депутаттар корпусы һанының 18 проценты.

Республика Башлығы 1990 йылда тәүге тапҡыр БАССР-ҙың Юғары Советына һайлауҙа ҡатнашыуы хаҡында һөйләне һәм йәш депуттар быуыны иңенә ятҡан яуаплылыҡ тураһында иҫкә төшөрҙө.

Һайлау алды программаларын бойомға ашырыу өсөн талап ителгән ресурстар хаҡында һөйләгәндә республика етәксеһе республикабыҙҙа иҡтисади механизмды, иҡтисади етештереүҙе заманса үҙгәртеү кәрәклеген билдәләне.

– Беҙгә юғары технологиялар, производствоны яңыртыу, аҙ хеҙмәткәрҙәр эшләгән заманса предприятиелар кәрәк, – тине төбәк Башлығы. – Ҡайһы бер осраҡтарҙа инвестициялар, финанслау талап ителәсәк. Әммә беҙ финанс ағымдарын таба белергә тейешбеҙ. Дәүләт иҫәбенә генә түгел, шәхси инвесторҙар, төрлө фондтар, венчур компаниялары иҫәбенә лә. Әммә был бөтөнләй башҡаса фекерләүҙе талап итә.

Рөстәм Хәмитов һүҙҙәренсә, йәш депутаттар ауылдарға ярҙам итеү буйынса проекттарҙы ғәмәлгә ашырыуҙа әүҙем ҡатнашырға, йәштәрҙең мәнфәғәттәрен яҡларға, уның төрлө яҡлы үҫеше өсөн шарттар булдырырға булышлыҡ итергә тейеш.

– Барыһы ла һеҙҙән тора. Әүҙемерәк булһағыҙ, һөҙөмтәләр ҙә оҙаҡ көттөрмәҫ, – тине республика етәксеһе. – Һеҙ үҙегеҙгә ҡарата, кешеләр алдында намыҫлы, тирә-йүндәгеләргә яңы көс-дәрт биреүсе булырға тейешһегеҙ.

Сығыштың тулы стенограммаһы республика Башлығының рәсми сайтында баҫылған.

1 из 8

#депутаттар #йәштәр #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.