Рөстәм Хәмитов Рәсәйҙең Хәүефһеҙлек советы секретары менән Рәсәй Президентының Волга буйы федераль округындағы тулы хоҡуҡлы вәкиленең берлектәге кәңәшмәһендә ҡатнашты

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 30 сентябрь. /«Башинформ» мәғлүмәт агентлығы, Александр Смирнов/. 29 сентябрҙә Ульяновскиҙа Башҡортостан Башлығы Рөстәм Хәмитов Рәсәйҙең Хәүефһеҙлек советы секретары Николай Патрушев менән Рәсәй Президентының Волга буйы федераль округындағы тулы хоҡуҡлы вәкиле Михаил Бабичтың берлектәге күсмә кәңәшмәһендә ҡатнашты. Был хаҡта республика Башлығының матбуғат хеҙмәте хәбәр итә.

Кәңәшмәлә һыу менән файҙаланыу өлкәһендәге хоҡуҡ боҙоуҙарға ҡаршы көрәш һәм һыу ресурстарын файҙаланыуҙың һөҙөмтәлелеген күтәреү буйынса саралар тикшерелде. Шулай уҡ оборона-сәнәғәт комплексы предприятиеларын һәм ойошмаларын кадрҙар менән тәьмин итеү мәсьәләләре ҡаралды.

Михаил Бабич һыу ресурстарының Волга буйы федераль округы өсөн әһәмиәте баһалап бөткөһөҙ булыуын билдәләне. Ул тағы ла бер мөһим проблемаға – тәбиғәт-климат шарттары тәьҫирендә барлыҡҡа килгән аҙ һыулылыҡҡа туҡталды. Белгестәр баһалауынса, ул 2029 йылға тиклем дауам итәсәк. Округ йылғаларындағы һыуҙың кимәле кәмей, был экологик һәм иҡтисади проблемалар тыуҙыра. Атап әйткәндә, һыу транспортында йөк ташыу күләме кәмей, уларҙың үҙҡиммәте арта. Йылға буйлап йөк ташыуҙан мәжбүри баш тартыу йылына миллиондарса һум менән иҫәпләнгән финанс юғалтыуҙарға килтерә. Бер үк ваҡытта автомобиль юлдарында көсөргәнеш арта, һөҙөмтәлә уларҙы ремонтлау өсөн сығымдар күбәйә. Һуңғы биш йылда ошо маҡсатҡа өҫтәмә сығымдар 3 миллиард һум тәшкил иткән.

Михаил Бабич һүҙҙәренсә, Нижегородка өлкәһенең Большое Казино ҡасабаһы янында түбән баҫымлы гидроҡоролма төҙөү – проблеманы хәл итеү юлдарының береһе. 41,5 миллиард һумлыҡ проект ғәмәлгә ашырылыу кимәлендә.

Рәсәй Президентының Волга буйы федераль округындағы тулы хоҡуҡлы вәкиле һыу менән файҙаланыу өлкәһендәге хоҡуҡ боҙоуҙарға һәм енәйәттәргә бәйле киҫкен проблемаларҙы ла билдәләне. Атап әйткәндә, ул законһыҙ рәүештә руда булмаған төҙөлөш материалдарын сығарыу темаһын күтәрҙе.

Рәсәйҙең Хәүефһеҙлек советы секретары Николай Патрушев илдең иҡтисадын һәм экологик хәүефһеҙлеген тотороҡло үҫтереү бурыстарын хәл итеү һыу ресурстарын һөҙөмтәле файҙаланыуға бәйле булыуын һыҙыҡ өҫтөнә алды. Өҫтәүенә бөгөнгө көндә аҙ һыулылыҡ, һыу ятҡылыҡтарының бысраныуы, тармаҡтағы криминаль хәлдәр менән бәйле мәсьәләләр бар.

Николай Патрушев шулай уҡ халыҡты сифатлы һыу менән тәьмин итеү, гидротехник ҡоролмаларҙың хәүефһеҙлеге, һыу менән файҙаланыу өлкәһендәге криминаль күренештәргә ҡаршы әүҙем көрәш алып барыу мәсьәләләрен хәл итеүгә иғтибарын йүнәлтте.

#хәүефһеҙлек #сәнәғәт #волга буйы федераль округы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.